Բրազիլիայի ազգային հավաքականի գլխավոր մարզիչ Լուիս Ֆելիպե Սկոլարին Անգլիայի հետ ընկերական հանդիպումից հետո (2:2) խոսել է խաղից ստացած ընդհանուր տպավորություններից.
-Առաջին խաղակեսում Բրազիլիան գրեթե անթերի էր գործում: Երկրորդում` ազատ գործելու հնարավորություն տվեցինք մրցակցին, ինչից Անգլիայի հավաքականը կարողացավ օգտվել:
Նրանք իրենց ֆուտբոլը խաղացին և երկու գնդակ խփեցին: Անգլիացիները ցույց տվեցին, թե նման հանդիպումներում որքան կարևոր է փորձը,-մարզչի խոսքերը վերլուծել է Goal.com-ը:
