ՀԱԿ մամլո խոսնակ. ԲՀԿ-ի հետ համագործակցության դաշտ է բացվում
Նմանատիպ
«Այս պահի դրությամբ գոնե «Բարգավաճ Հայաստանը» գործում է կոալիցիայից անջատ և կան նախադրյալներ մտածելու, որ «Բարգավաճ Հայաստանը» շահագրգռված է ընտրությունների օրինական ընթացքով և ազատ-արդար ընտրությունների անցկացմամբ»: Այդ մասին ArmRadio-ի եթերում ասել է Հայ ազգային կոնգրեսի մամլո խոսնակ Արման Մուսինյանը: Շարունակելով միտքը՝ բանախոսը նշել է, որ եթե դա այդպես է, «ապա մենք կարծում ենք, որ համագործակցության դաշտ է բացվում՝ բացառելու Հանրապետական կուսակցության կողմից ընտրությունները կեղծելու փորձը»:
Խոսելով այն բանի մասին, թե ինչպես է ՀԱԿ-ը փորձելու շահել ընտրազանգվածի ձայները՝ Արման Մուսինյանն ասաց. «Մենք շահելու ենք հետևյալ կերպ. ներկայացնելու ենք մեր անցած ուղին, ներկայացնելու ենք մեր մշակած ծրագրերը, գումարած մենք հնարավորինս մերկացնելու ենք այս բանդիտական ռեժիմի հանցավոր էությունը: Ովքեր կհավատան մեզ՝ ձայն կտան մեզ, ովքեր կհավատան ուրիշ քաղաքական ուժերի՝ ձայն կտան նրանց, և եթե ընտրություններն անցնեն արդար, մենք ուրախ կլինենք ողջունելու այն ուժին, որը կստանա առավելագույն ձայներ, բայց եթե ընտրություններն անցնեն ազատ և արդար, մենք վստահ ենք, որ հաղթողը կլինի Հայ ազգային կոնգրեսը», – նշել է Արման Մուսինյանը:
Հետևեք մեզ նաև Telegram-ում