Ամերիկայի Միացյալ Նահանգները հայտարարել է Ուկրաինային 2.2 միլիարդ դոլար արժողությամբ ռազմական օգնության տրամադրման նոր փաթեթի մասին:

Ռազմական օգնության նոր փաթեթը ներառում է HIMARS համակարգի համար նախատեսված GLSDB (Ground-Launched Small Diameter Bomb) հեռահար հրթիռներ, որոնց միջոցով ուկրաինական կողմը կկարողանա հարվածներ հասցնել Ղրիմի տարածքին և Ռուսատանի այն մարզերին, որոնք սահմանամերձ են Ուկրաինային։ 

Պենտագոնի՝ Ուկրաինային տրամադրվող ռազմական օգնությունը ներառում է նաև հետևյալ զինտեխնիկաներն և զինամթերքը.

• 2 միավոր HAWK հակաօդային պաշտպանության համակարգ
• ՀՕՊ միջոցներ և զինամթերք
• Արևմտյան հակաօդային պաշտպանության կայանների ինտեգրման սարքավորումներՀՕՊ համակարգերով ռադարներ
• 190 ծանր գնդացիր՝ ջերմապատկերային սարքավորումներով և զինամթերքով
• Սարքավորումներ՝ Ուկրաինայի հակաօդային պաշտպանության առկա հնարավորությունները արդիականացնելու և զարգացնելու համար
• 181 MRAP ռազմական ավտոմեքենա
• Հակադրոնային համակարգեր
• Օդային հսկողության սահմանման 4 ռադար
• Հակատանկային 2000 հրթիռ
• Հակահրետանային ռադարների պահեստամասեր
• Claymore հակահետևակային ականներ
• Puma անօդաչու թռչող համակարգեր
• Բարձր ճշգրտության հրթիռներ

Տրամադրվող ռազմական օգնության նոր փաթեթում գերակշռում են ՀՕՊ միջոցները:

Նշվում է նաև, որ GLSDB ճշգրիտ հրթիռները Ուկրաինա կհասցվեն ոչ շուտ, քան 9 ամսվա ընթացքում։