Լևերկուզենի «Բայերի» գլխավոր մարզիչ Սամի Հյուպիան ազատվել է աշխատանքից այսօր առավոտյան՝ Գերմանիայի առաջնության 29-րդ տուրում թիմի՝ «Համբուրգից» կրած պարտությունից հետո (1:2)։
Die Welt պարբերականի տվյալներով՝ գլխավոր մարզչի պաշտոնակատարը մինչև մրցաշրջանի ավարտը կլինի Սաշա Լևանդովսկին, ով աշխատում է «Բայերի» երիտասարդական թիմի հետ։
Հաջորդ մրցաշրջանում ակումբի ղեկը կարող է ստանձնել Տոմաս Շաաֆը, ով նախկինում մարզել է «Վերդերը»։
Հիշեցնենք, որ «Բայերն» ընթանում է Բունդեսլիգայի մրցաշարային աղյուսակի չորրորդ հորիզոնականում։
