Ռոյս. «Ռեալի» դեմ սարսափելի դժվար խաղ է սպասվում
Նմանատիպ
Դորտմունդի «Բորուսսիայի» կիսապաշտպան Մարկո Ռոյսը «Վոլֆսբուրգի» նկատմամբ հաղթանակից հետո (2:1) մեկնաբանել է Չեմպիոնների լիգայի քառորդ եզրափակչի՝ «Ռեալի» դեմ պատասխան խաղում իր թիմի հնարավորությունները։
-Մադրիդում կայացած խաղը շատ ուժ խլեց մեզնից, դժվար էր այս խաղի մեջ մտնել, առաջին կեսը շատ անհաջող ստացվեց։ Ուրախ եմ, որ երկրորդ կեսն ավելի լավ անցավ, մենք այս հաղթանակին արժանի էինք։
«Ռեալի» դեմ պատասխան խաղից առաջ նախապես չենք հանձնվում։ Եթե նրանց հետ այնպես խաղանք, ինչպես այս հանդիպման առաջին կեսում, ապա բարդ կլինի ինչ-որ ակնկալիքներ ունենալ։ Եթե խաղանք այնպես, ինչպես երկրորդ կեսում, ապա հնարավորություններն ավելի մեծ կլինեն։
Առաջ գնալը սոսկալի դժվար է լինելու, սակայն մենք մեր հնարավորությունների սահմանում կխաղանք։ Սակայն ֆուտբոլում ամեն ինչ հնարավոր է,-ասել է Ռոյսը։
Հետևեք մեզ նաև Telegram-ում