Ադրբեջանը Հայաստանի դեմ միջպետական արբիտրաժային գործընթաց է սկսել
![Ադրբեջանը Հայաստանի դեմ միջպետական արբիտրաժային գործընթաց է սկսել](https://times.am/v3/wp-content/uploads/2023/02/Armenia-Azerbaijan-e1677509152391-1024x522.jpg)
Նմանատիպ
Ադրբեջանը, համաձայն Էներգետիկ խարտիայի համաձայնագրի, Հայաստանի դեմ միջպետական արբիտրաժային գործընթաց է սկսել։
Այս մասին հայտնում է Ադրբեջանի Արտաքին գործերի նախարարությունը՝ տարածած հայտարարության մեջ։
Նշվում է, որ «ադրբեջանական կողմը հայկական կողմին ներկայացրած արբիտրաժային ծանուցման մեջ ՀՀ-ից ֆինանսական փոխհատուցում է պահանջել 1991-ից 2020 թվականներին Հայաստանի կողմից «Ադրբեջանի տարածքների գրեթե 30-ամյա ապօրինի օկուպացիայի ընթացքում այսպես կոչված էներգետիկ ռեսուրսների նկատմամբ Ադրբեջանի ինքնիշխան իրավունքների խախտման համար»։
Գերատեսչությունից նշել են, որ այդ տարիների ընթացքում Հայաստանն իբր «առանց թույլտվության Ադրբեջանի ինքնիշխան տարածքում կառուցել է առնվազն 37 հիդրոէլեկտրակայան»։
Խոսքը, ըստ ադրբեջանական կողմի մեղադրանքի, Թարթառի ՀԷԿ-ի, Սարսանգի ջրամբարի, ածխի պաշարների և այլ օբյեկտների շահագործման մասին է։
Հետևեք մեզ նաև Telegram-ում