Լևանդովսկի. Վատ չէր լինի կրկին 4 գոլ խփել «Ռեալի» դարպասը

Չեմպիոնների լիգայի 1/4 եզրափակիչ փուլի` «Բորուսսիա Դորտմունդ»-«Ռեալ Մադրիդ» պատասխան խաղին գերամանական թիմի հարձակվող Ռոբերտ Լևանդովսկին, ով բաց թողեց առաջին խաղը, վճռական է տրամադրված: Լեհ ֆուտբոլիստը հույս ունի, որ նախորդ մրցաշրջանում կայացած խաղի նման այս անգամ ևս կկարողանա 4 գոլ խփեց «Ռեալի» դարպասը:

-Պոկե՞ր երկրորդ անգամ: Այո, վատ չէր լինի: Իհարկե մենք հասկանում ենք ստեղծված իրավիճակի լրջությունը, բայց «Բորուսսիայի» ֆուտբոլիստները հույս ունեն, որ դիմակայությունում հաջող արդյունք կգրանցվի,-Լևանդովսկու խոսքերը մեջբերել է «AS»-ը:

Հիշեցնենք, որ 2012-2013 թվականների մրցաշրջանի Չեմպիոնների լիգայի կիսաեզրափակիչ փուլի առաջին խաղում «Բորուսսիան» «Սիգնալ Իդունա Պարկում» 4:1 հաշվով առավելության հասավ «Ռեալի» նկատմամբ, և գերմանական թիմի բոլոր գոլերը խփեց Լևանդովսկին: Ընթացիկ խաղարկության քառորդ եզրափակիչ փուլի առաջին խաղում «Ռեալը» «Սանտյագո Բեռնաբեուում» 3:0 հաշվով վստահ հաղթանակ է տոնել: