Չինաստանի ԱԳ նախարար. Չինաստանի զարգացումը դանդաղեցնելու ԱՄՆ փորձերը ձախողվելու են

Չինաստանի տնտեսական զարգացումը զսպելու ԱՄՆ կառավարության փորձերը անհաջողության կմատնվեն։ Այդ մասին հայտարարել է Չինաստանի ԱԳ նախարար Ցին Գանը Ազգային Ժողովրդական Կոնգրեսի նստաշրջանի շրջանակներում կայացած ամենամյա մամուլի ասուլիսում։

«Դուք չեք կարող կառուցել ձեր սեփական մեծությունը այլ պետությունների դեմ ոտնձգությունների հաշվին: ԱՄՆ-ի փորձերը դանդաղեցնել Չինաստանի զարգացումը՝ հօգուտ ԱՄՆ-ի կձախողվեն», – ասել է նախարարը: