Ընթացիկ տարվա արդյունքներով՝ ռուսական ֆինանսական շուկայից կարող են հեռանալ ևս 25-30 բանկեր՝ կապված միջազգային պատժամիջոցների հետ։ Այս մասին տեղեկացրել է «Известия» թերթը՝ հղում կատարելով АКРА վարկանշային գործակալության վերլուծաբանների տվյալներին։
Ռուսական շուկայից օտարերկրյա բանկերի հնարավոր հեռացման կարևոր պատճառներից են կարգավորիչ զիջումների չեղարկումը եւ շարունակվող դժվարությունները ՌԴ տնտեսությունում։
«Ռուսական շուկան այս տարի կարող են լքել 25-30 բանկեր։ 2023թ. վարկային կազմակերպությունների թվի կրճատման գլխավոր պատճառը կդառնա օտարերկրյա խաղացողների ինքնակամ հեռացումը։ Հիմնական մասը բաժին կընկնի լինեզիաների հանձնմանը ինչպես ռուսական, այնպես էլ օտարերկրյա բանկերի կողմից, սակայն կլինեն նաեւ հետկանչեր, ամենայն հավանականությամբ՝ ռեզիդենտների կողմից վերահսկվող ընկերություններում»,- նշվել է հրապարակման մեջ։
Այսպիսով, ընթացիկ տարվա արդյունքներով՝ ռուսական ֆինանսական շուկայից կարող են հեռանալ ավելի շատ բանկեր, քան 2022-ին։ Անցած տարի օտարերկրյա վարկային կազմակերպությունների թիվը ՌԴ-ում կրճատվել է 12-ով, նշել է «Эксперт РА» գործակալության բանկային վարկանիշների գծով տնօրեն Լյուդմիլա Կոժեկինան։
