Ռուս խաղաղապահները Ասկերանի շրջանում հրադադարի ռեժիմի խախտում են գրանցել
30/04/2023 12:03
Նմանատիպ
Ռուսաստանի Դաշնության պաշտպանության նախարարության Արցախում ռուսական խաղաղապահ զորախմբի գործունեության մասին 2023 թվականի ապրիլի 29-ի տեղեկագրում նշվում է, որ Ասկերանի շրջանում հրադադարի ռեժիմի խախտում է գրանցվել:
Զոհեր և վիրավորներ չեն եղել։ Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ։
Նշվում է նաև, որ ռուսական խաղաղապահ զորակազմի ավտոշարասյունը մարդասիրական բեռ է հասցրել Ստեփանակերտ:
Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ, ասվում է տեղեկագրում։
Հետևեք մեզ նաև Telegram-ում