Լիտվան, Գերմանիան և Ավստրիան կոչ են արել Ադրբեջանին անհապաղ հրադադար հաստատել

Լիտվայի, Գերմանիայի և Ավստրիայի արտաքին գործերի նախարարությունները Ադրբեջանին կոչ են արել անհապաղ դադարեցնել ռազմական գործողությունները և հրադադար հաստատել։

Military operation launched by AZ after months of blockade imposed on Karabakh Armenians undermines efforts by intl community to bring lasting peace. We urge immediate ceasefire&launching of dialogue between Baku & Karabakh Armenians as the only way towards peaceful coexistence.

— Gabrielius Landsbergis🇱🇹 (@GLandsbergis) September 19, 2023

«Ղարաբաղի հայերի նկատմամբ ամիսներ տևած շրջափակումից հետո Ադրբեջանի սկսած ռազմական գործողությունները խաթարում են տևական խաղաղություն հաստատելուն ուղղված միջազգային հանրության ջանքերը։ Կոչ ենք անում անհապաղ հրադադար հաստատել և սկսել երկխոսություն Բաքվի և Ղարաբաղի հայերի միջև, քանի որ դա խաղաղ համակեցություն տանող միակ ճանապարհն է»,– այս մասին X-ի իր էջում գրել է Լիտվայի ԱԳ նախարար Գաբրիելիուս Լանդբերգիսը։

Իսկ Ավստրիայի արտգործանախարարությունը X-ում նշել է, որ խիստ անհանգստացած են Հարավային Կովկասում տեղի ունեցած հարձակումից։ Նրանք կոչ են անել Ադրբեջանին անհապաղ դադարեցնել ցանկացած ռազմական գործողություն։ Շեշտել են` հենց հիմա դեէսկալացիա է պետք։

Extremely alarmed about the offensive in the South Caucasus. We call on #Azerbaijan to immediately stop any military action. Need de-escalation now. https://t.co/kFHqtxABhb

— MFA Austria (@MFA_Austria) September 19, 2023

Գերմանիայի արտաքին քաղաքական գերատեսչության նախարար Անալենա Բերբոկը շեշտել է, որ Ադրբեջանը պետք է դադարեցնի գնդակոծությունները և վերադառնա բանակցությունների սեղանի շուրջ։ Բերբոկն ընդգծել է, որ իրենք աջակցում են ԵՄ–ի ղեկավարության ներքո ընթացող բանակցություններին։