Ռուսաստանը «դրոնների ճակատամարտում» հաղթում է Ուկրաինային

Ուկրաինան օրական արտադրում և օգտագործում է մոտ 20 ԱԹՍ, սակայն այդ թիվը չի բավականացնում։ Ռուսական զորքերը հաղթում են Ուկրաինային երկնքում՝ անօդաչու թռչող սարքերի դիմակայությունում։ Այս մասին The Washington Post-ին հայտնել Է Ուկրաինայի Զինված ուժերի 80-րդ առանձին գրոհային բրիգադի վաշտի հրամանատարի տեղակալը։ 

«Դա նման է շախմատի պարտիայի, որում նրանք հաղթում են», – պարբերականին ասել է նա, հավելելով, որ ռուսական անօդաչուներին «դժվար է դիմակայել»։  

Զինծառայողը պնդում է, որ ՌԴ զորքերը անօդաչու սարքեր են օգտագործում ավելի փոքր թիրախներ խոցելու համար, ինչպես նաև կարող են միաժամանակ երկու սարք կիրառել, ինչը վկայում է այն մասին, որ Մոսկվան դրոնների զգալիորեն ավելի մեծ պաշարներ ունի, քան Կիևը: