ԱՄՆ-ն ազդանշան է ուղարկում Իրանին և Իրաքում գտնվող իրանամետ ուժերին

ԱՄՆ ֆինանսների նախարարությունը պատժամիջոցներ է սահմանել իրաքցի վեց պաշտոնյաների նկատմամբ, որոնք կապված են իրանամետ շիա աշխարհազորայինների հետ՝ Իրաքում և Սիրիայում ամերիկյան ուժերի վրա նրանց հարձակումների համար: Այս մասին հայտնում է Al Arabiya-ն։

6 պաշտոնյաներից մեկը ներգրավված է եղել Լիբանանում զինյալների ուսուցման կազմակերպմանը Հեզբոլլահում։ Պենտագոնի տվյալներով՝ հոկտեմբերի 17-ից Իրաքում և Սիրիայում ԱՄՆ-ի ուժերը մոտ 58 անգամ ենթարկվել են Իսլամական դիմադրության ուժերի հարձակման։ Գրեթե 60 ամերիկացի զինծառայող վիրավորվել է։

ԱՄՆ Պետդեպարտամենտը նաև ասել է.  «Իրանը ահաբեկչության հովանավոր առաջատար երկիրն է ամբողջ աշխարհում».

ԱՄՆ պետքարտուղար Անտոնի Բլինկենը նշել է, որ երկու խմբավորումներ սպառնում են ԱՄՆ-ի զինվորական անձնակազմի և ԴԱԻՇ-ի դեմ միջազգային կոալիցիայի (Ռուսաստանի Դաշնությունում արգելված կազմակերպություն) կյանքին Իրաքում և Սիրիայում։

«Միացյալ Նահանգները հավատարիմ է մնում բոլոր հնարավոր և հասանելի միջոցների կիրառմանը ահաբեկչությանը Իրանի աջակցությանը դիմակայելու և ահաբեկչական հարձակումներ իրականացնելու Իրանի կողմից աջակցվող խմբերի կարողությունը խաթարելու համար»: ԱՄՆ գանձապետարանը նաև պատժամիջոցներ է սահմանել իրաքյան «Քաթայբ Հեզբոլլահ» խմբավորման հետ կապված պաշտոնյաների դեմ.

«Այսօրվա պատժամիջոցները հաղորդագրություն են ուղարկում Քաթայբ Հեզբոլլահին և Իրանի կողմից աջակցվող մյուս խմբավորումներին, որ Միացյալ Նահանգները օգտագործում է բոլոր հնարավոր միջոցները… Մենք լիովին հավատարիմ ենք Մերձավոր Արևելքում անվտանգության և կայունության ապահովմանը»: