Կարմիր ծովում նավթային տանկերները ենթարկվում են հարձակումների
![Կարմիր ծովում նավթային տանկերները ենթարկվում են հարձակումների](https://times.am/v3/wp-content/uploads/2023/12/Image-117-scaled-e1702984074331-1200x630.jpeg)
Նմանատիպ
Ամերիկյան WTI տեսակի նավթի գները Լոնդոնում տեղի ունեցող սակարկությունների ժամանակ քիչ են փոխվում, այն դեպքում, երբ Brent էտալոնային ապրանքանիշի արժեքը աճում է։ Աճը պայմանավորված է նրանով, որ Եմենի հութիների հարձակումները Կարմիր ծովում առևտրային նավերի վրա խախտել են ծովային առևտրի կարգը և ստիպել համաշխարհային ընկերություններին փոխել բեռնափոխադրումների երթուղին։ Այս մասին հայտնում է Reuters-ը:
Brent-ի ֆյուչերսները Մոսկվայի ժամանակով ժամը 09:00-ին աճել են 0,17 տոկոսով՝ հասնելով 78,08 դոլարի՝ մեկ բարելի դիմաց, WTI-ն քիչ է փոխվել՝ հասնելով 72,5 դոլարի՝ մեկ բարելի դիմաց: Սև ոսկու երկու տեսակներն էլ անցած երկուշաբթի աճել են ավելի քան 1 տոկոսով՝ այն մտավախությունների ֆոնին, որ բեռնափոխադրողները կշրջանցեն Կարմիր ծովը:
Բրիտանական նավթագազային հսկա BP-ն ժամանակավորապես դադարեցրել է բոլոր տարանցիկ փոխադրումները Կարմիր ծովով: Նավթի լցանավերի օպերատոր Frontline-ը նախօրեին հայտնել էր, որ իր նավերը նույնպես կխուսափեն այդ ուղուց, ինչը վկայում է ճգնաժամի ընդլայնման մասին, որն ազդել է էներգակիրների մատակարարման վրա:
Միացյալ Նահանգներն իր հերթին, հանդես են եկել հայտարարությամբ, որ իրենք կպահանջեն բեռնափոխադրողներից ավելի շատ տեղեկություններ տրամադրել ռուսական նավթի գործարքների մասին՝ փորձելով ապահովել արևմտյան պատժամիջոցների պահպանումը: Այս մասին հայտնել են ամերիկացի պաշտոնյաները՝ միաժամանակ խոստովանելով, որ առևտրաշրջանառության զգալի մասն արդեն խուսափել է վերահսկողությունից այն բանի շնորհիվ, որ Ռուսաստանը փաստացի ստեղծել է տանկերներից կազմված զուգահեռ ստվերային նավատորմ:
Հետևեք մեզ նաև Telegram-ում