Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Ֆրանսիայի ներքին անվտանգության գլխավոր վարչությունը (DGSI) հանրապետության ներքին գործերի նախարարությանը խորհուրդ է տվել չեղարկել Օլիմպիական խաղերի բացման արարողությունը ահաբեկչական բարձր սպառնալիքի պատճառով, հաղորդում է Europe 1 ռադիոկայանը՝ վկայակոչելով հետախուզության աղբյուրը։ Սեն գետի երկայնքով մարզիկների շքերթի ներկայիս ձևաչափը չափազանց մեծ ռիսկեր է պարունակում, նշել է նա և ընդգծել. «Մենք պետք է անցնենք պլան Բ-ին»։

Մարտի 28-ին Ֆրանսիայի ՆԳՆ ղեկավար Ժերալդ Դարմանինը պետք է հանդիպեր այս հարցով հատուկ ծառայությունների ղեկավարության հետ։ Այս հանդիպմանը, ըստ ռադիոկայանի, Ժերալդ Դարմանինը պատրաստվում էր նախարարին տեղեկացնել «զանգվածային ահաբեկչության Ֆրանսիա վերադարձի» վտանգի մասին՝ վերանայելով վտանգի մակարդակը Մոսկվայի Crocus City Hall-ում տեղի ունեցած ահաբեկչությունից հետո։

Հետախուզական ծառայության տվյալներով՝ երկրում կա երեքից չորս հոգուց բաղկացած ահաբեկիչների այսպես կոչված քնած բջիջներ, որոնք «ակտիվացված են Աֆղանստանի գոտուց հեռակա կարգով»։