Վրաստանը կբախվի լուրջ հետևանքների․ ԱՄՆ-ն սպառնում է

Վրաստանը կբախվի լուրջ հետևանքների՝ կապված ընտրախախտումների և երկրի ներկայիս արտաքին քաղաքական կուրսի պահպանման հետ։ Այս մասին ճեպազրույցի ժամանակ հայտարարել է ԱՄՆ Պետդեպարտամենտի պաշտոնական ներկայացուցիչ Մեթյու Միլլերը։

«Մենք մշտապես կոչ ենք արել Վրաստանի կառավարությանը դադարեցնել իր հակաժողովրդավարական գործողությունները և վերադառնալ եվրաատլանտյան ուղի։ Մենք չենք բացառում հետագա հետևանքները, եթե վրացական կառավարության ուղղությունը չփոխվի»,- ասել է նա։

Միլլերը հավելել է, որ ԱՄՆ-ն միանում է Վրաստանի խորհրդարանի ընտրություններում տեղի ունեցած խախտումների մասին հաղորդագրությունների ամբողջական հետաքննության կոչին: