Ձերբակալվել են Երևանի քաղաքապետարանի աշխատակիցները

Հակակոռուպցիոն կոմիտեում քննվող գործի շրջանակներում ձերբակալվել են Երևանի քաղաքապետարանի մի քանի աշխատակիցներ։ Այս մասին հայտնում է քաղաքապետարանի մամուլի խոսնակ Հայկ Կոստանյանը։

«Տեղեկացնում եմ, որ ձերբակալվել են Երևանի քաղաքապետարանի աշխատակիցներ։ Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով։

Լրացուցիչ տեղեկությունների համար կարող եք դիմել ՀՀ հակակոռուպցիոն կոմիտե»,-գրել է խոսնակը։