Պարսից ծոցի երկրների առաջնորդները համոզել են Թրամփին հրաժարվել Իրանի դեմ հարվածի ծրագրից․ Politico

ԱՄՆ նախագահ Դոնալդ Թրամփը հրաժարվել է Իրանի դեմ ռազմական հարված հասցնելու ծրագրից այն բանից հետո, երբ նրա հետ հեռախոսազրույցներ են ունեցել Պարսից ծոցի և Հարավային Ասիայի մի շարք երկրների առաջնորդներ։ Այս մասին հայտնում է Politico-ն։

Պարբերականի տվյալներով՝ այն բանից հետո, երբ Թրամփը հայտարարել էր, որ պատրաստվում է «այս երեկո շատ ուժեղ հարված հասցնել» Իրանին, վերջինիս հետ կապ են հաստատել Կատարի էմիր Թամիմ բեն Համադ Ալ Թանին, ԱՄԷ նախագահ Մոհամեդ բեն Զայեդ Ալ Նահյանը և Պակիստանի զինված ուժերի ղեկավար Ասիմ Մունիրը։

Նրանք, ըստ Politico-ի, վստահեցրել են ԱՄՆ նախագահին, որ Թեհրանի հետ նախնական համաձայնությունը «գրեթե ձեռք է բերվել»։

Հրատարակության փոխանցմամբ՝ Թրամփը նշել է, որ այդ երկրները ազդեցություն ունեն Թեհրանի և Իրանի գերագույն առաջնորդի վրա, իսկ նրանց վստահությունը, որ գործարքը մոտ է, նպաստել է Իրանի դեմ հարվածի ծրագրից հրաժարվելուն։

Politico-ն ընդգծում է, որ տեղեկությունը հիմնված է իր աղբյուրների տվյալների վրա, և պաշտոնական հաստատում առայժմ չի հրապարակվել։

Հետևեք մեզ նաև Telegram-ում