Իրանի իշխանությունները չեն ձգտում վերսկսել ԱՄՆ-ի հետ բանակցությունները հակամարտության կարգավորման շուրջ, իսկ Դոնալդ Թրամփի հայտարարությունները, ըստ Թեհրանի, նպատակ ունեն միայն ազդել նավթի գների վրա։
Այս մասին հայտարարել է Իրանի խորհրդարանի ազգային անվտանգության հանձնաժողովի ներկայացուցիչ, պատգամավոր Հասան Ղաշղավին։
«Թրամփի պնդումը, թե իբր Իրանը դիմել է բանակցություններ սկսելու խնդրանքով, որևէ կերպ չի համապատասխանում իրականությանը։ Նրա կրկնվող ստերը նույնիսկ կարճ ժամանակով այլևս չեն կարող հանգստացնել շուկաները»,– գրել է Ղաշղավին X սոցիալական հարթակում։
Իրանի պատգամավորը ԱՄՆ առաջնորդին խորհուրդ է տվել գտնել ավելի արդյունավետ ուղիներ՝ «դուրս գալու այն ճգնաժամային իրավիճակից, որում հայտնվել է»։
Ավելի վաղ՝ հուլիսի 21-ին, Դոնալդ Թրամփը հայտարարել էր, որ Իրանը ցանկանում է նոր հանդիպում անցկացնել ԱՄՆ-ի հետ, սակայն Վաշինգտոնը ներկայում հետաքրքրված չէ բանակցությունների վերսկսմամբ, քանի դեռ Թեհրանը պատրաստ չէ «էական քայլերի»։
