«Կապույտ ալիք» ԱՄՆ Կոնգրեսում․ Դեմոկրատների համոզիչ հաղթանակն ու Տրամպի կոշտ արձագանքը

ԱՄՆ Կոնգրեսի միջանկյալ ընտրություններն ավարտվեցին Դեմոկրատական կուսակցության ակնհայտ առավելությամբ, որը վերլուծաբաններն արդեն անվանում են «կապույտ ալիք»։ Նախնական տվյալներով՝ դեմոկրատները, շրջանցելով մրցակիցներին նույնիսկ ավանդաբար պահպանողական համարվող նահանգներում, վերահսկողություն են ստացել Կոնգրեսի երկու պալատներում՝ Սենատում և Ներկայացուցիչների պալատում։ Սա լուրջ քաղաքական փոփոխություն է, որը էապես սահմանափակելու է նախագահ Դոնալդ Տրամպի հնարավորությունները նրա պաշտոնավարման մնացած հատվածում։

Սենատի ընտրարշավում դեմոկրատները հանրապետականներից խլեցին յոթ մանդատ՝ ապահովելով անհրաժեշտ 50 տեղը (հանրապետականներն ունեն 38 մանդատ)։ Դեմոկրատների հաղթարշավը տարածվեց Հյուսիսային Կարոլինայում, Օհայոյում, Այովայում, Կանզասում, Տեխասում, Հարավային Կարոլինայում և Մենում։ Տեխասում իսկական սենսացիա գրանցվեց․ աստվածաբանություն ուսումնասիրող և նահանգային օրենսդիր Ջեյմս Տալարիկոն, ով իր քարոզարշավը կառուցել էր կյանքի թանկացման և գլխավոր դատախազ Կեն Պաքսթոնի կոռուպցիոն սկանդալների շուրջ, հաղթեց վերջինիս՝ դառնալով Տեխասից ընտրված առաջին դեմոկրատ սենատորը վերջին 38 տարվա ընթացքում։ Կանզասում Ադամ Գամիլթոնը վերջ դրեց հանրապետականների 94-ամյա գերիշխանությանը, Հյուսիսային Կարոլինայում նախկին նահանգապետ Ռոյ Կուպերը հաղթեց Տրամպի հովանավորյալ Մայքլ Ուոտլիին, իսկ Օհայոյում Շերոդ Բրաունը հետ վերադարձրեց իր մանդատը։ Մենում Թրոյ Ջեքսոնը պարտության մատնեց 1996 թվականից ընտրվող սենատոր Սյուզան Կոլինզին, իսկ Հարավային Կարոլինայում Էննի Էնդրյուսը դուրս մղեց Դարլին Գրեհեմին՝ հանգուցյալ սենատոր Լինդսի Գրեհեմի քրոջը։

Ներկայացուցիչների պալատում, որտեղ մեծամասնության համար պահանջվում է 218 մանդատ, դեմոկրատներն արդեն ունեն 146 տեղ՝ հանրապետականների 94-ի դիմաց, և ամերիկյան առաջատար ԶԼՄ-ները, այդ թվում CNN-ը, արդեն ազդարարում են ստորին պալատում նրանց հաղթանակը։ Նյույորքի 8-րդ ընտրատարածքում վերընտրված 56-ամյա Հակիմ Ջեֆրիսը, ով ներկայացրել է առաջին 100 օրվա ծրագիրը՝ ուղղված կյանքի թանկացման դեմ պայքարին և Սպիտակ տան նկատմամբ վերահսկողությանը, պատրաստվում է դառնալ ԱՄՆ պատմության մեջ առաջին թխամորթ խոսնակը՝ փոխարինելով Մայք Ջոնսոնին։

Ստեղծված իրավիճակին բավականին հակասական արձագանք է տվել Դոնալդ Տրամպը։ The New York Times-ին տված հարցազրույցում նա նախ նշել է, թե ընդունում է արդյունքները և պատրաստ է համագործակցել դեմոկրատների հետ, սակայն կարճ ժամանակ անց սոցցանցերում հրապարակել է «VETO» մակագրությամբ կարմիր գլխարկի նկար՝ ակնարկելով օրենսդրական նախաձեռնությունները արգելափակելու մասին։ Truth Social-ում նա հավելել է․ «Ես չկայի ընտրացուցակներում, այլապես մենք կհաղթեինք հսկայական առավելությամբ»։ Տրամպը Տեխասի պարտության համար մեղադրել է նաև նահանգապետ Գրեգ Էբոթին՝ նրան անվանելով «RINO» (միայն անվանապես հանրապետական), և խոստացել է հանդես գալ քաղաքական վերլուծաբանի դերում՝ ներկայացնելով պարտությունների ու հաղթանակների իրական պատճառները։

Հետևեք մեզ նաև Telegram-ում