Արփինե Հովհաննիսյանը ՄԹ դեսպանի հետ քննարկել է ՀՀ-ում հակակոռուպցիոն քաղաքականության իրականացման հարցեր
Նմանատիպ
ՀՀ արդարադատության նախարար Արփինե Հովհաննիսյանը փետրվարի 21-ին ընդունել է Հայաստանում Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ և լիազոր դեսպան Ջուդիթ Մարգարեթ Ֆարնուորթին:
Հանդիպման ընթացքում քննարկվել են Հայաստանում հակակոռուպցիոն քաղաքականության իրականացման հնարավորություններին և մեխանիզմներին վերաբերող մի շարք հարցեր:
Ինչպես տեղեկացրին ՀՀ արդարադատության նախարարության տեղեկատվության ևհասարակայնության հետ կապերի վարչությունից, արդարադատության նախարարը բարձր է գնահատել երկու երկրների միջև համագործակցությունը տարբեր ոլորտներում և կարևորել փոխգործակցության շարունակականությունը: Արփինե Հովհաննիսյանը ներկայացրել է մեր երկրում հակառուպցիոն քաղաքականության իրականացման գործընթացը, այդ ուղղությամբ կատարվող աշխատանքները:
Դեսպանը կարեւորել է ՀՀ-ում իրականացվող հակակոռուպցիոն համակարգային բարեփոխումները և շեշտել, որ այս ոլորտում գործակցությունը դեսպանատան համար շարունակում է մնալ առաջնահերթությունների ցանկում:
Հետևեք մեզ նաև Telegram-ում