Թրամփն առաջվա պես ցանկանում է ԻՊ-ի դեմ կռվել ՌԴ-ի հետ միասին. Սպիտակ տուն
07/03/2017 10:36
Նմանատիպ
ԱՄՆ-ի նախագահ Դոնալդ Թրամփը չի հրաժարվել «Իսլամական պետություն» ահաբեկչական խմբավորման դեմ Ռուսաստանի հետ միասին կռվելու իր մտադրությունից: Դա, ինչպես տեղեկացնում է «Արմենպրես»-ը, Սպիտակ տանը լրագրողների համար անցկացված բրիֆինգում հաստատել է ԱՄՆ-ի ղեկավարի մամուլի քարտուղար Շոն Սփայսերը:
Պատասխանելով այն հարցին, թե ԱՄՆ-ում շարունակվող հակառուսական աղմուկի պայմաններում Թրամփը վերանայում է արդյոք իր մտադրությունները, Սպիտակ տան ներկայացուցիչն ասել է. «Ոչ, եթե Ռուսաստանը ցանկանում է մեզ հետ միասին մարտնչել ԴԱԻՇ-ի դեմ, ապա դա հիանալի է»:
Ճշտող հարցին՝ նշանակում է դա արդյոք, որ այդ առումով ոչինչ չի փոխվել, Սփայսերը պատասխանել է. «Այո, ոչինչ», հաղորդել է ՏԱՍՍ-ը:
Հետևեք մեզ նաև Telegram-ում