AM | RU
USD
EUR
RUB

Ուրցաձորցիների մշակած բիզնես պլաններով աշխուժանում է համայնքի կյանքը

 

Արարատի մարզի Ուրցաձոր համայնքի տնտեսական կյանքում արդեն մի քանի ամիս է` անսովոր աշխուժություն է տիրում: Համայնքի զարգացման ուղղությունները տեղացիներն անձամբ են ընտրում` իրենց իսկ կազմած բիզնես պլանների միջոցով: ԵՄ կողմից ֆինանսավորվող «Աղքատության կրճատումն Ուրցաձոր համայնքային փնջում` ինքնուրույն զբաղվածության հնարավորությունների ստեղծումով» ծրագրի շրջանակում համայնքում, որը միավորում է Ուրցաձոր, Շաղափ ու Լանջանիստ գյուղերը, մեկ հյուրատուն կառուցվել, մյուսն` ընթացքի մեջ է: Երեք բիզնես նախագծեր, որոնք ուղղված են մեղվաբուծության զարգացմանը, նույնպես կյանքի են կոչվել:

Տեղացիների ինքնազբաղվածության խնդրի լուծմանն ուղղված հաջորդ ծրագիրը, որը դարձյալ իրականացնում է Վայրի բնության և մշակութային արժեքների պահպանման հիմնադրամը (FPWC)` ԵՄ ֆինանսավորմամբ, չրերի, թեյերի ու մեղրի արտադրությունն է` «Հօլանի» բրենդի ներքո: «Արտադրական ամբողջ պրոցեսն իրականացնում են համայնքի բնակիչները: Նրանց համար նախ դասընթացներ ենք կազմակերպել, որոնց ընթացքում մասնակիցները ձեռք են բերել ագրոտուրիզմի և օրգանական գյուղատնտեսության զարգացման համար անհրաժեշտ հմտություններ: Առաջին պայմանը, որ խստագույնս պահվում է, առանց կենսաբազմազանությունը վնասելու` հավաք կազմակերպելն է: Ծրագրի բոլոր շահառուները դա արդեն գիտեն»,- ասում է ծրագրի համակարգող Թագուհի Մանվելյանը:

«Հօլանի»-ն մշտական աշխատանքով չի ապահովում տեղացիներին, բայց գարուն-աշուն ժամանակահատվածում մոտ 60 տնտեսության ինքնազբաղվածության հարց է լուծում: Թեյերի պատրաստման մեջ օգտագործվող խոտաբույսերն ու վայրի հատապտուղները գյուղացիները հավաքում են, հետո հումքը մթերվում, վերամշակվում և փաթեթավորվում է Վեդիում գործող արտադրամասում:

Նշված ուղղությունների ընտրությունն էլ պատահականորեն չի արվել. հարուստ կենսաբազմազանություն ունեցող Ուրցաձորում զարգացման մեծ պոտենցիալ ունեն ինչպես մեղվաբուծությունը, այնպես էլ չրերի ու թեյերի արտադրությունը:

Պիլոտային այս ծրագրի հաջողությունից, ինչպես Թագուհին է ասում, շատ բան է կախված: Սպասելիքներն արդարանալու դեպքում, արտադրությունը կկազմակերպեն ուրցաձորցիները. Վայրի բնության և մշակութային արժեքների պահպանության հիմնադրամն այն կազմակերպելու իրավասությունը կփոխանցի Օրգանական հողագործության հիմնադրամին: Մինչ հիմա ունեցած ձեռքբերումները հույս են ներշնչում, որ մոտ ապագայում դա էլ հնարավոր կդառնա. «Մեր թիրախային խումբը կանայք և երիտասարդներն են: Սկզբում, երբ նոր էինք սկսում ծրագիրը, գյուղացիները թերահավատ էին: Ժամանակի ընթացքում ավելի լուրջ սկսեցին նայել այդ ամենին: Անգամ մարդիկ կային, որ ուզում էին արտագաղթել, բայց ծրագրի մեկնարկից հետո մտափոխվեցին, օրինակ` Հայկանուշ Ստեփանյանը»:

Որևէ զբաղմունք չունեցող և արտագաղթի ճանապարհը բռնել ցանկացող բազմաթիվ վայոցձորցիներն էլ շուտով, հնարավոր է, Հայկանուշ Հովսեփյանի օրինակին հետևեն:
Ծրագրի հաջողության դեպքում այն կյանքի կկոչվի նաև Վայոց ձորի մարզի համայնքներում, որոնք նույնպես օրգանական գյուղատնտեսության զարգացման մեծ պոտենցիալ ունեն:

Թագուհի Թովմասյանը հավաստիացնում է` արդեն գործող և հետագայում նախատեսվող բոլոր ծրագրերի ընթացքում հավատարիմ են մնալու նախապես սահմանված սկզբունքին` վնաս չհասցնել բնությանը: Ի դեպ, «Հօլանի»-ի ոչ միայն արտադրանքը, այլև փաթեթավորումն է էկոլոգիապես մաքուր: Թե´ թեյերը, թե´ չրերը, վերամշակված թղթի մեջ են տեղավորվում ու հասցվում սպառողին: Սկզբում օնլայն վաճառք էին անում, հիմա նաև «Ծիրան» սուպերմակետների ցանցում և «Հալեպ» խանութում է ներկայացված տեսականին:

Տեղական շուկայում ամրապնդվելուն զուգահեռ`  Հօլանին փորձում է մտնել նաև միջազգային շուկա: Ինչպես վստահեցնում է ծրագրի համակարգող Թագուհի Մանվելյանը, վաճառքից ստացված ողջ հասույթը կրկին կներդրվի ծրագրում` շահառուների թիվը մեծացնելու և այն ավելի զարգացնելու նպատակով: Եվ միայն այն ժամանակ, երբ ծրագիրը կդառնա կայուն զարգացող, հասույթի մի մասը կուղղվի այլ բնապահպանական խնդիրների լուծմանը:

Լիլիթ ՊՈՂՈՍՅԱՆ

Լրահոս
Գյումրիում մեկնարկեց դասական երաժշտության փառատոն Իշխանությունների կողմից նոր հարձակում ԵՊՀ վրա Ուկրաինայի պատվիրակությունը լքել է ԵԽԽՎ-ն Պեսկովը չի բացառել, որ G20-ի շրջանակներում Պուտինն ու Թրամփն առանձին հանդիպում կունենան ԵԽԽՎ-ն ամբողջությամբ վերադարձրեց Ռուսաստանի պատվիրակության լիազորությունները Նիգերիայում զինված հարձակումների հետևանքով զոհվել է առնվազն 20 մարդ Նոտր Դամում բռնկված հրդեհի հնարավոր պատճառը Հրայր Թովմասյանը բոլոր չափանիշներով այսօր համարվում է ՍԴ դատավոր. Անի Սամսոնյան Զինծառայողի մահվան փաստով քրգործ է հարուցվել ինքնասպանության հասցնելու հոդվածով Հայաստան կայցելի Մալթայի արտաքին գործերի և առևտրի խթանման նախարար Կարմելո Աբելան Վրաստանի փոխվարչապետն աշխատանքային այցով կժամանի Հայաստան Արագածոտնի փոխմարզպետն ազատվել է աշխատանքից Հայաստանում զինծառայող է մահացել Կալանավորվել է ՀՀ սոցիալական ապահովության ծառայության պաշտոնատար անձ Արցախի նախագահի նստավայրում տեղի է ունեցել պարգեւատրման արարողություն Մոսկվան ու Երևանը ստորագրել են ՀԱԷԿ-ին վառելիքի նոր մատակարարումների վերաբերյալ փաստաթղթեր Արշավիր Ղարամյանը նշանակվել է Արցախի Անվտանգության խորհրդի քարտուղար ԵԽԽՎ-ն պայմաններ է ներկայացրել Ռուսաստանի վերադարձի համար ՀՀ ԱԺ պատգամավորները ԵԽԽՎ-ում հակադարձում են ադրբեջանական կեղծ տեղեկություններին Իրաքի նախագահը բացառել է Իրանին հարվածելու համար իր տարածքն օգտագործելու հնարավորությունը Իվան Տելեգինը մասնակցել է Հայաստանում ՌԴ Դեսպանատան միջոցառմանը «Ժամանակ». Անվճար երթուղի կստեղծվի՝ Զվարթնոց-Թբիլիսի «Հրապարակ». Նախկին գլխավոր դատախազը՝ ՍԴ շուրջ իրադարձությունների մասին «Ժամանակ». Գործարարները շարունակում են հիմնավորել «ՀԿԵ»-ի կոռումպացված գործունեությունը «Հրապարակ». Նոր իշխանությունների թիմը բազում կապեր ունի նախկինների հետ «Փաստ». Նախատեսվում է գույքահարկը զգալիորեն բարձրացնել «Հրապարակ». Ի՞նչ է կառուցվելու «կուկուռուզնիկի» փոխարեն «Հրապարակ». Ով է իշխանության՝ ԲԴԽ նախագահի թեկնածուն ՕՐՎԱ ԽՈՐՀՈՒՐԴԸ: Հունիսի 26 Իրանի նախագահը խստորեն քննադատել է Սպիտակ տանը ԱՄՆ-ի պատժամիջոցներից հետո Իրանի շուրջ իրադրությունը զարգանում է շատ վատ սցենարով. Լավրով Նիկոլ Փաշինյանը ՏՄՊՊՀ անդամի երկու թեկնածու է առաջադրել. Մեկն «Իմ քայլը» դաշինքից է Եսայանների ընտանիքը շուրջ 500 մլն դրամի աննախադեպ ներդրում է կատարել առողջապահության ոլորտում (տեսանյութ) Վրաստանում ձերբակալվել է Հայաստան եկող ավտոբուսի վարորդը Մենք չունենք նախագահ, մեր Սահմանադրությունը պղծում են. Նարեկ Մալյան «ՎԵՏՕ»-ն երթ է իրականացնում դեպի Մատենադարան Քաղաքական ուժերն ու Քոչարյանի աջակիցները ՍԴ-ի մոտ միացել են «ՎԵՏՕ»-ին. ՈՒՂԻՂ Արցախի ժողովուրդը ունի նույն այն իրավունքները, ինչ այստեղ նստած մեզանից յուրաքանչյուրը. Նաիրա Զոհրաբյան Քոչարյանը կրկին կկալանավորվի. Վերաքննիչը բավարարեց մեղադրող կողմի բողոքը Ռուս նախարար. «Թուրքիան S-400-ները կստանա ամենակարճ ժամանակում»
Խմբագրի ընտրություն
website by Sargssyan