«Ժամանակ». Արագած գյուղի բնակիչները բարձրացել էին Արագած լեռը, որ քանդեն Գեղարոտ գետի վրա կառուցված ՀէԿ-երը
Նմանատիպ
«Հայաստանի նոր իշխանությունը կարծես թե որոշել է վերացնել սեփականության իրավունքը: Երեկ Արագած գյուղի բնակիչները երեք «ԿամԱԶ»-ներով և տրակտորով բարձրացել են Արագած լեռը, որպեսզի քանդեն Գեղարոտ գետի վրա դեռևս 2007թ. կառուցված Գեղարոտ 1, Գեղարոտ 2 և Արագած ՀէԿ-երը:
Գյուղացիները պնդում են, որ ՀէԿ-երը աղտոտում են իրենց ջուրը և ՀէԿ-երի կողմից օգտագործված ջուրն այլևս պիտանի չէ գյուղատնտեսական նպատակներով օգտագործելու համար:
Ոչ դատական ակտ, ոչ փոխհատուցում, այլ ինքնադատաստան. գյուղացիները որոշել են, որ ՀէԿ-երը պետք է քանդել, գնացել են, որ քանդեն: Ինչ-որ բան երեկ են արել, մնացածը կանեն այսօր:
Ըստ որոշ տեղեկությունների՝ քանդողների բրիգադի հետևում կանգնած է Ապարանի քաղաքապետ Կարեն Եղիազարյանը, «Գնթունիք» սուպերմարկետի սեփականատերը: Տեսնես ինչպես նա կվարվի, եթե ինչ-որ բրիգադ էլ որոշի, որ պետք է քանդել նրա սուպերմարկետը»,-գրում է թերթը:
Մանրամասն՝ թերթի այսօրվա համարում:
Հետևեք մեզ նաև Telegram-ում