AM | RU
USD
EUR
RUB

Փաշինյանն ու Սորոսի հիմնադրամը՝ անբաժանելի ընկերներ

 

ԵՐԵՎԱՆ, 31 ՀՈՒԼԻՍԻ, Tert.amՌուսական Газета.Ru կայքն անդրադարձել է ՀՀ վարչապետ Նիկոլ Փաշինյանի` ռուսական РБК հեռուստաալիքին տված հարցազրույցին և Russia Today հեռուստաալիքի գլխավոր խմբագիր Մարգարիտա Սիմոնյանի սկանդալային գրառման վերաբերյալ նրա մեկնաբանություններին:

Կայքը նշում է, որ որոշ դիտորդներ անսպասելի են համարել Փաշինյանի որոշումը` այդ առումով մի ամբողջ հարցազրույց կազմակերպելու մասով: Ակնհայտ է, որ Սիմոնյանի գրառումը լրջորեն բարկացրել է Փաշինյանին:

Հիշեցնենք, որ իր աղմկահարույց գրառման մեջ Սիմոնյանը դիմել էր ՀՀ իշխանություններին՝ նրանց մեղադրելով Հայաստանում հակառուսական տրամադրություններ ստեղծելու համար՝ նշելով, որ վերջին տարիներին Ռուսաստանի հանդեպ ցուցաբերված բոլոր չարիքներից ու արհամարհանքից հետո ՀՀ իշխանությունները չպետք է իրենց իրավունք վերապահեն օգնություն ակնկալել:

Իրավիճակն իրականում

Նիկոլ Փաշինյանը փորձում է իրավիճակն այնպես ներկայացնել, որ Խորհրդային Միության փլուզումից հետո Երևանն այնքան էլ հավատարիմ չի եղել Ռուսաստանին: Բայց հայտնի է, որ հենց Փաշինյանի կառավարման տարիներին իշխանության գլխավոր պաշտոնները սկսեցին զբաղեցնել հենց Ջորջ Սորոսի հովանավորությամբ գործող հասարակական կազմակերպությունների ներկայացուցիչները: Փաստերն այստեղ խոսուն են: Բացի դրանից, Փաշինյանի համար փողոց էին դուրս եկել հենց արևմտամետ տրամադրված մարդկանցից շատերը:

Կայքը հիշեցնում է, որ ինքն արդեն գրել է Transparency International կազմակերպության ընտրական ծրագրերի նախկին համակարգող Արմեն Գրիգորյանի մասին, որը նշանակվել էր Ազգային անվտանգության խորհրդի նախագահի պաշտոնում, և Պետական վերահսկողական ծառայության արդեն նախկին ղեկավար Դավիթ Սանասարյանի մասին, որը քաղաքական ասպարեզում էր հայտնվել ամերիկահայ քաղաքական գործիչ Րաֆֆի Հովհաննիսյանի արևմտամետ «Ժառանգություն» կուսակցության շնորհիվ և հայտնի էր դարձել ՌԴ դեսպանատան վրա ձվեր նետելով:

Լրատվամիջոցները գրել են նաև, որ Հայաստանի Հատուկ քննչական ծառայության պետ Սասուն Խաչատրյանի եղբայրը «Սորոսի հիմնադրամի» կառավարման խորհրդի նախագահն է:

Սփյուռքի հարցերով հանձնակատար է նշանակվել ամերիկյան Գլենդեյլ քաղաքի նախկին քաղաքապետ Զարեհ Սինանյանը: Նա հայտնի է որպես ԼԳԲՏ համայնքի իրավունքների պաշտպան, անցյալ տարի այս ոլորտում իր գործունեության համար անգամ մրցանակ է ստացել ամերիկյան Equality Armenia հասարակական կազմակերպության կողմից, որը զբաղվում է գենդերային կրթությամբ և քարոզարշավ է իրականացնում Հայաստանում նույնասեռ ամուսնությունների օրինականացման նպատակով:

Սորոսի մարդիկ Փաշինյանի շրջապատում

Դեռևս մինչև հայտնի դառնալը, որ 27-ամյա Ռուստամ Բադասյանը նշանակվել է Հայաստանի արդարադատության նախարարի պաշտոնում, մամուլում ակտիվ լուրեր էին շրջանառվում, որ նա Սորոսի հիմնադրամի հայաստանյան մասնաճյուղի ղեկավար Լարիսա Մինասյանի հովանավորյալն է: Թերևս դա է պատճառը, որ Բադասյանին վստահվել է ԱՄՆ պետքարտուղարության կողմից նշանակված կոռուպցիայի դեմ պայքարի հատուկ ամերիկյան խորհրդատուի հետ սերտ համագործակցությունը:

Հեռուստատեսային եթերներից մեկի ժամանակ ՀՀ ԱԱԾ նախկին ղեկավար Արթուր Վանեցյանը հայտարարել էր, որ Սորոսի հիմնադրամի գործունեությունը վնաս է հասցնում Հայաստանին: Դատելով ամենից՝ նրան չներեցին այդ արտահայտության համար և ստիպեցին հեռանալ ԱԱԾ ղեկավարի պաշտոնից` նրա փոխարեն նշանակելով 29-ամյա Արգիշտի Քյարամյանին, որը հատուկ ծառայություններում չէր ծառայել և ոչ մի օր:

Քյարամյանի «քաղաքական» նշանակումից հետո այդ կառույցից պրոֆեսիոնալ կադրերի զգալի արտահոսք է նկատվում:

Մի քանի օր առաջ պարզ դարձավ, որ Սորոսի հիմնադրամը Հայաստանին 600 000 դոլար է տրամադրել կորոնավիրուսի դեմ պայքարի համար: Նորությունն ինքնին դրական է, մանավանդ եթե հաշվի առնենք կորոնավիրուսի տարածման դեմ Փաշինյանի գլխավորությամբ ձախողված պայքարը: Սակայն ուշադրություն է գրավում այն փաստը, որ Հայաստանն Ուկրաինայի հետ միասին միակ հետխորհրդային երկիրն էր, որ նման աջակցություն է ստացել Սորոսի կողմից հովանավորվող կազմակերպությունից:

Ավելորդ է ասելը, որ կան նաև միտումներ, որոնք նկատվում են Հայաստանի հանրային կյանքում Փաշինյանի իշխանության գալու պահից. հեռարձակող ցանցից ռուսական հեռուստաալիքներին դուրս մղելու մասին սկանդալային օրինագիծ, Հանրային հեռուստաընկերությամբ վերջին ռուսալեզու հաղորդման փակում, պետական հեռուստաալիքով Ալեքսեյ Նավալնիի` իրեն հատուկ թեզերով ելույթի հեռարձակում. ի դեպ, վերջինս տեղի է ունեցել սահմանադրական փոփոխությունների համառուսաստանյան հանրաքվեից անմիջապես առաջ:

Հայաստանի քաղաքական և հասարակական կյանքին Սորոսի և նրա կառույցի մասնակցությունը քննադատող «ՎԵՏՕ» կազմակերպության անդամները բռնաճնշումների են ենթարկվում Փաշինյանի ուժայինների կողմից: Տարվա սկզբին կազմակերպության հիմնադիր Նարեկ Մալյանին և ընդդիմադիր «Ադեկվադ» կուսակցության անդամ Կոնստանտին Տեր-Նակալյանին բերման էին ենթարկել ոստիկանության բաժանմունք` իբր ապօրինի զենք պահելու և կրելու համար:

Այսպիսով՝ դժվար է որևէ այլ եզրակացություն անել, բացի այն, ինչը պետք է ասվի. Հայաստանի ներկայիս իշխանությունը շատ ջերմ, ընկերական կապեր ունի Ջորջ Սորոսի կառույցների հետ: Մի կողմից, դա միշտ չէ, որ վատ է: Սորոսի օգնությունը կորոնավիրուսի դեմ պայքարում շատ տեղին էր այն բանից հետո, երբ Նիկոլ Փաշինյանը ձախողեց աշխատանքն այդ ուղղությամբ և երկիրը վերածեց աշխարհում վարակվածության և մահացության մակարդակով հետնապահներից մեկի: Եթե հարցին նայենք ավելի գլոբալ, ապա ակնհայտ է կապը Հայաստանի ներկայիս իշխանության և Սորոսի հիմնադրամի միջև, ինչը Ռուսաստանի ազգային շահերի առումով ոչ մի լավ բան չի խոստանում: Եվ Մարգարիտա Սիմոնյանի գրառումն ու Փաշինյանի պատասխանը միայն մերկացրին այս իրականությունը, գրում է կայքը:

Լրահոս
Հայաստանում իրենց գործունեությունը դադարեցրել է 22154 կազմակերպություն Ուղեվարձի գինը թանկացել է. բողոքի ակցիա Արտաշատում (տեսանյութ) Պայքարելու ենք մինչև վերջ, մինչև չազատվենք այս իշխանությունից. Արթուր Վանեցյան ՀՀ տարածքում ջերմաստիճանն զգալի կնվազի. մանրամասներ ՀՔԾ-ն կաշկանդված է. Աննա Հակոբյանին և Նիկոլ Փաշինյանին հարցաքննելու համար սպասում են իշխանափոխությա՞ն Թուրքիան և Հունաստանը բանակցություններ կանցկացնեն Բրյուսելում Պետք է հաշվի առնել, որ Ադրբեջանն ուզում է գերիներին օգտագործել քաղաքական նպատակների համար. Վազգեն Մանուկյան Երբ Արգիշտի Քյարամյանը նշանակվել էր ԱԱԾ տնօրեն, ասել եմ՝ նրա նշանակումը ազգային անվտանգության սպառնալիք է. Արթուր Վանեցյան Այս մարդը կառչել է աթոռից և հետևողականորեն մեր երկիրը տանում է կործանման. Իշխան Սաղաթելյան Լիբանանահայը պաշտոն է ստացել Սպիտակ տանը Ովքե՞ր էին Շիրակում Փաշինյանին սատարողները (լուսանկարներ) «Անտանելի գրաքննություն է». Մեդվեդևը մեկնաբանել է սոցցանցերում Թրամփի արգելափակումը «Հայրենիքի փրկության շարժման» վարչապետի թեկնածու Վազգեն Մանուկյանը հանդիպում է վանաձորցիների հետ․ ՈՒՂԻՂ Ինչքան իմքայլական կա իմ հետ որոնողական աշխատանք պետք է անեն Շուշի Ալիևների այցի պատճառով ընդհատված որոնողական աշխատանքներն այսօր վերսկսել են «Սիրելի՛ Թայիփ»․ ի՞նչ նամակ է գրել Մակրոնը Էրդոհանին Ես շնորհակալ եմ Լենային անկեղծության համար Պատրաստվեք, պարոն Հարությունյան, ընտանիքիս հետ բնակվելու եմ Ձեր տանը, Դուք իմ տունը նվիրել եք թշնամուն. Շուշիի բնակիչ Իմ նկատմամբ քրեական հետապնդում իրականացնում են միայն ՀՀ գլխավոր դատախազն ու Ադրբեջանի գլխավոր դատախազը․ Սեյրան Օհանյան Այս մարդիկ ոչ միայն պարտվել են, այլ շարունակում են պարտության ընթացքը Արցախում տեղակայված շուրջ 100 ռուս խաղաղապահ պատվաստվել է կորոնավիրուսի դեմ. ՌԴ ՊՆ Ախուրյանի և Ամասիայի միջհամայնքային ավտոճանապարհները դժվարանցանելի են Այս կերպ 21-րդ դարը ոչ թե մերն է լինելու, այլ՝ մեր ՎԵՐՋԻՆԸ ԱԺ փոխուսապարկ Լենայի շուրթերով դավաճանների իշխող խմբակը ազդարարեց հենց վերջնական կործանման օրակարգը Սարիբեկն ու Գևորգը կամ յոթ «իսկ» «Ժողովուրդ»․ Պատգամավորներին զենքե՞ր կբաժանվեն «Հրապարակ»․ Մեր իրական և առավել ամոթալի պարտությունն սկսվել է նոյեմբերի 9-ից հետո «Ժողովուրդ»․ Հայկական դրամը շարունակում է արժեզրկվել «Փաստ»․ «Սորոսականները» հրահանգ ունեն ակտիվանալու անվտանգային հարցերում «Ժողովուրդ»․ Ինչու քաղաքապետի մշտական արձակուրդը դադար չունի «Փաստ»․ Փաշինյանը հույս ունի կեղծ ընդդիմություն ձևավորել արտահերթ ընտրությունների անցկացման համար «Հրապարակ»․ Չեմ հասկանում, թե որտեղ է ինձ «քցում» Ալիևը «Փաստ»․ Փաշինյանը հրահանգել է շրջանառության մեջ դնել հասարակության ականջը շոյող նախագծեր «Հրապարակ»․ Արսեն Թորոսյանին փոխարինող հավանական թեկնածուները «Հրապարակ»․ Երևանի քաղաքապետ Հայկ Մարությանը կհեռանա պաշտոնից. ո՞վ կփոխարինի ՕՐՎԱ ԽՈՐՀՈՒՐԴԸ: Հունվարի 16 Թրամփը 4 օրից կլքի Սպիտակ տունը՝ առանց Բայդենին դիմավորելու Ռուսաստանում շարունակում են առգրավել հայկական համարանիշով մեքենաները Նմաններին բոմժ կոչելն էլ է հաճոյախոսություն Փաշինյանի ոտքերն ամուր կերպով գետնին են. Լենա Նազարյան
Խմբագրի ընտրություն
website by Sargssyan