Ադրբեջանի իշխանությունները Նախիջևանը նախապատրաստում են «Զանգեզուրի միջանցքի բացմանը»

Ադրբեջանի իշխանություններն Նախիջևանը ինտենսիվ նախապատրաստում են «Զանգեզուրի միջանցքի բացմանը»։

Ինչպես հաղորդում է ադրբեջանական ԱՊԱ գործակալությունը, Իլհամ Ալիևը հաստատել է Նախիջևանի Ինքնավար Հանրապետության 2023-2027 թվականների սոցիալ-տնտեսական զարգացման պետական ​​ծրագիրը, որում նշվում է, որ «Զանգեզուրի միջանցքի բացումը անհրաժեշտ է դարձնում ՆԻՀ-ի երկաթուղային ենթակառուցվածքը արդիականացումը»:

Փաստաթղթում նշվում է, որ հենց այդ պատճառով երկաթուղային ենթակառուցվածքը կվերակառուցվի, կապահովվի փոխադրումների անվտանգ և արագ ծառայություն։

Նախիջևանի ողջ տարածքի համար կստեղծվի հատուկ մաքսային ռեժիմ (գոտի)՝ մաքսային արտոնություններով (բացառությամբ Ադրբեջանում արտադրված ապրանքների, որոնք ներառված են ցանկում)։ Փաստաթղթի համաձայն՝ Մաքսային պետական ​​կոմիտեն նախարարների կաբինետի, էկոնոմիկայի և ֆինանսների նախարարությունների հետ միասին պետք է ապահովի 2023-2027 թվականներին հատուկ մաքսային ռեժիմի (գոտի) մեկնարկը։

Հիշեցնենք, որ խոսքը Հայաստանի տարածքի մասին է, իսկ Հայաստանը, ՀՀ վարչապետ Նիկոլ Փաշինյանը պաշտոնապես, հայտարարում է, որ Հայաստանի Հանրապետության տարածքով արտատարածքային միջանցքներ չեն լինելու։