«Վագներ»-ը Բելառուսում գրանցվել է որպես կրթական ծառայություններ մատուցող կենտրոն
Նմանատիպ
«Վագներ» մասնավոր ռազմական ընկերությունը Բելառուսում գրանցվել է որպես «Վագներ խումբ», որը մատուցելու է կրթական ծառայություններ։ Ինչպես փոխանցում է Ռիա Նովոստին, այս մասին նշված է Բելառուսի իրավաբանական անձանց և անհատ ձեռնարկատերերի պետական ռեգիստրում։
Ըստ ռեգիստրի տվյալների՝ «Վագներ խումբ» սահմանափակ պատասխանատվությամբ ընկերությունը գրանցվել է օգոստոսի 4-ին Օսիպովիչյան շրջգործկոմի կողմից: Որպես գործունեության տեսակ նշվում է «կրթական ծրագրեր»:
Ավելի վաղ պետական ռեգիստրում տեղեկություն էր հայտնվել «Կոնկորդ Մենեջմենթ և Քոնսալթինգ» սահմանափակ պատասխանատվությամբ ընկերության մասին, որը գրանցվել է նույն գյուղում, որտեղ գտնվում է «Վագներ»-ի ճամբարը։ Որպես գործունեության տեսակ նշված է անշարժ գույքի կառավարումը։
Տեղական ԶԼՄ-ների տեղեկություններով՝ որպես ընկերության ղեկավար նշված է Եվգենի Պրիգոժինը: Բաց աղբյուրների տվյալներով ՝ ՍՊԸ-ն կառավարում է ռեստորանային ցանց, որն ընդգրկված է Պրիգոժինին պատկանող «Կոնկորդ» ընկերությունների խմբում:
Հետևեք մեզ նաև Telegram-ում