«Վագներ»-ը Բրիտանիայում հայտարարվել է տերորիստական

Մեծ Բրիտանիան չորեքշաբթի օրը «Վագներ» խմբավորումը կճանաչի ահաբեկչական կազմակերպություն, հայտարարել է վարչապետ Ռիշի Սունակը:

«Այսօր մենք խմբավորումը հայտարարում ենք ահաբեկչական կազմակերպություն»,- գրել է Սունակը X-ում (նախկինում՝ Twitter):

Unleashed by Putin’s Kremlin, the Wagner Group’s methods of torture, theft and barbarism are threatening democracy and freedom around the world.

It’s right that today we are proscribing the group for what it is – a terrorist organisation. https://t.co/ikW6ZfiQMy

— Rishi Sunak (@RishiSunak) September 6, 2023

Ավելի վաղ ԶԼՄ-ները, վկայակոչելով բրիտանական ներքին գործերի նախարարությանը, հայտնել էին, որ Լոնդոնը ծրագրում է «Վագներ»-ին ահաբեկչական կազմակերպություն հայտարարել, ինչը թույլ կտա իշխանություններին քրեականացնել խմբավորման անդամակցությունը կամ աջակցությունը, ինչպես նաև բռնագրավել նրա ունեցվածքը։

Ռուսաստանի Դաշնության նախագահի մամուլի քարտուղար Դմիտրի Պեսկովը չի մեկնաբանել Լոնդոնի այս մտադրությունը, սակայն հիշեցրել է, որ «դե յուրե նման խումբ գոյություն չունի»։