Ռաիսին այցով ժամանել է Նյու Յորք
Նմանատիպ
Ռաիսին ժամանել է Ջոն Քենեդու անվան միջազգային օդանավակայան, որտեղ նրան դիմավորել են Իրանի դեսպան և ՄԱԿ-ում մշտական ներկայացուցիչ Ամիր Սաիդ Իրավանին և մի խումբ իրանցի դիվանագետներ:
Իրանի կառավարության ղեկավարը երկուշաբթի օրը ՄԱԿ-ի Գլխավոր ասամբլեայի նիստին մասնակցելու համար Նյու Յորք մեկնելուց առաջ ասել է, որ Իսլամական Հանրապետության քաղաքականության հիմնասյուներից մեկը հարաբերություններն են աշխարհի և տարածաշրջանային երկրների հետ, ինչպես նաև տարածաշրջանային և միջազգային կազմակերպությունների հետ։
«Իրանը, որպես ՄԱԿ-ի անդամ, ակնկալում է, որ այս կազմակերպությունը մեծ դեր կխաղա անվտանգության, խաղաղության և համաշխարհային արդարության խթանման գործում: Միավորված ազգերի կազմակերպության որոշումները պետք է հեռու լինեն ցանկացած խտրականությունից և անարդարությունից և չպետք է ենթարկվեն մեծ տերությունների ազդեցությանը»,- նշել է Ռաիսին։
Նախագահը Նյու Յորք կատարած այցի նախօրեին հանդիպել է Իսլամական հեղափոխության գերագույն առաջնորդ այաթոլլա Ալի Խամենեիի հետ։ Նախագահի օրակարգում է ելույթ ունենալ Գլխավոր ասամբլեայի նիստում, հանդիպումը տարբեր երկրների ղեկավարների և Նյու Յորքում բնակվող իրանցիների հետ։ Ռաիսին նախատեսում է նաև հանդիպել ԱՄՆ-ի քաղաքական, մշակութային և կրոնական գործիչների հետ և պատասխանել լրատվամիջոցների հարցերին:
ՄԱԿ-ի Գլխավոր ասամբլեայի տարեկան ժողովը, որպես միջազգային խոշոր իրադարձություն, համարվում է քաղաքական հարցեր քննարկելու պատշաճ հնարավորություն։ Սեպտեմբերի 19-ից 25-ը Նյու Յորքում տեղի կունենա ՄԱԿ-ի Գլխավոր ասամբլեայի Բարձր մակարդակի շաբաթը։
Հետևեք մեզ նաև Telegram-ում