Սամանտա Փաուերը ՀՀ–ից կմեկնի Բաքու

ԱՄՆ Միջազգային զարգացման գործակալության տնօրեն Սամանտա Փաուերի այցի հիմնական նպատակը Սյունիք՝ հումանիտար օգնությունն է, փորձ՝ այս իրավիճակի լուծումները գտնել տեղում։ Այս մասին հայտնել է ՀՀ արտաքին գործերի նախարարի տեղակալ Պարույր Հովհաննիսյանը։

«Տիկին Փաուերը ՀՀ–ից պետք է մեկնի Ադրբեջան և փորձի հնարավորինս անել տեղում, իհարկե, լրացուցիչ օգնություն ՀՀ–ին ցուցաբերելու առումով։ Նա նաև իր աչքերով է ուզում տեսնել, թե ինչ է կատարվում ու զեկուցի ԱՄՆ նախագահին»,- նշել է Հովհաննիսյանը։

Ըստ ՀՀ փոխարտգործնախարարի` միջազգային արձագանքն այս օրրեին արդեն փոխվել է, և արդեն կան շատ հասցեական հայտարարություններ, որոնք, սակայն, այս իրավիճակում դեռ բավարար չեն։

«Կարծես` ոչ ոք իլյուզիա էլ չունի կատարվածի վերաբերյալ»,- նշել է նա։

«Վստահ եմ` սա վերջին այցը չի լինի. կունենանք այլ գործընկերներ, որոնք կգան ՀՀ` նույն նպատակներով, ինչ տիկին Փաուերը։ Մեր բոլոր ջանքերն ուղղված են հենց դրան, թե՛ միջազգային կառույցների, թե՛ գործընկեր բոլոր երկրների հետ մեր աշխատանքներում»,-  ասել է ՀՀ ԱԳ նախարարի տեղակալը։

Ինչ վերաբերում է մինչև տարեվերջ նախատեսվող հայ-ադրբեջանական համաձայնագրի ստորագրմանը, ապա Հովհաննիսյանը նշել է, որ այս պահին վաղաժամ է խոսել այդ մասին. ամեն ինչ կախված է իրավիճակից։ Նա միայն ավելացրել է, որ հայկական կողմի ջանքերը, համենայնդեպս, հնարավոր խաղաղության հաստատման առումով մնում են անփոփոխ։