Վերին Լարսի անցակետը փակ է բեռնատարների համար

Վերին Լարսի անցակետով Վրաստանից Ռուսաստան տանող ճանապարհը փակվել է բեռնատարների համար։ Այս մասին հայտնում են Վրաստանի տարածաշրջանային զարգացման և ենթակառուցվածքների նախարարության ավտոճանապարհների դեպարտամենտից։

Նշվում է, որ պատճառը անբարենպաստ եղանակային պայմաններն են:

«Մցխեթա-Ստեփանծմինդա-Լարս միջազգային նշանակության ավտոճանապարհի Գուդաուրի-Կոբի հատվածը ձյան և ցածր ջերմաստիճանի պատճառով փակ է կցորդիչով և կիսակցորդիչով տրանսպորտային միջոցների համար»,- ասված է հաղորդագրության մեջ:

Ռուսաստանում ՀՀ դեսպանության մաքսային կցորդ Վահան Հակոբյանն էլ տեղեկացնում է, որ Խաչի լեռնանցքում տեղացող ձյան և մերկասառույցի պատճառով տվյալ հատվածը բեռնատարների համար փակ է: Ճանապարհը բաց է թեթև մարդատար տրանսպորտի համար:

Տվյալ պահին իրականացվում են ձնամաքրման աշխատանքներ: