Թուրքիան Դամասկոսում կհիմնի ռազմաբազա

Թուրքիան կարող է Դամասկոսում հիմնել ռազմակայան։ Այս մասին հայտնում են թուրքական լրատվամիջոցները։

Ըստ տեղեկությունների՝ Թուրքիան նախատեսում է Դամասկոսում հիմնել ավիաբազա, իսկ Տարտուսում՝ ռազմածովային բազա։ Բացի այդ, Միջերկրական ծովում զորավարժություններ անցկացնելը նույնպես այդ երկրի օրակարգային հարցերի թվում է։

Նշենք, որ Թուրքիայի արտգործնախարար Հաքան Ֆիդանը օրերս մեկնել էր Դամասկոս և հանդիպել Սիրիայի արտգործնախարարի ժամանակավոր պաշտոնակատարի Ասադ Հասան ալ-Շիբանիի հետ։