Աշխարհի հզորագույն բանակներն ըստ «Business Insider»-ի. առաջինն ԱՄՆ-ն է, երկրորդը՝ ՌԴ-ն (ֆոտո)
Նմանատիպ
«Business Insider» ամսագիրը կազմել է աշխարհի հզորագույն բանակների ցանկը: Վարկանիշը որոշելիս հաշվի է առնվել մի շարք գործոններ՝ զինված ուժերի թվաքանակը, ռազմական ծախսերը, ռազմածովային ուժերը, օդուժը և տանկերը:
Ըստ այդմ՝ առաջին հորիզոնականում ԱՄՆ բանակն է, որտեղ 1.4 միլիոն զինվորական է ծառայում, իսկ ռազմական բյուջեն 577 միլիարդ դոլարի է հասնում: Ավելին՝ ԱՄՆ-ը և ռազմածովային, և ռազմաօդային ուժերի հզորությամբ գերազանցում է Ռուսաստանին, Չինաստանին ու Հնդկաստանին: Երկրորդ տեղում Ռուսաստանի ԶՈՒ-ն է՝ 766 հազար զինծառայող, 60 միլիարդ դոլար ռազմական բյուջե, նաև՝ ամենաշատ տանկերը՝ 15398:
Երրորդ տեղում Չինաստանն է, որի բանակը թվաքանակով ամենամեծն է՝ 2.33 միլիոն զինծառայող: Ռազմական բյուջեն 145 միլիարդ դոլար է: Չինաստանի ԶՈւ-ի զինապահոցում կա 2860 ինքնաթիռ և 9150 տանկ:
Չորրորդ տեղում Հնդկաստանն է, որին հաջորդում են Մեծ Բրիտանիան, Ֆրանսիան, Հարավային Կորեան, Գերմանիան, Ճապոնիան և Թուրքիան:
Հետևեք մեզ նաև Telegram-ում