Ուժգին պայթյուն Է որոտացել Ուկրաինայի խորհրդարանի շենքի մոտ, կան տասնյակ վիրավորներ
Նմանատիպ
Ուժգին պայթյուն Է որոտացել Գերագույն ռադայի շենքի մոտ, ինչի հետեւանքով տուժածների թիվը հասել Է 30-ի: Ինչպես ՏԱՍՍ-ին տեղեկացրել են իրադարձությունների վայրից, վիրավորների համար չեն բավականացնում շտապօգնության մեքենաները: Նրանց սկսել են տեղափոխել ոստիկանության պարեկային մեքենաներով:
Ինչպես Facebook-ում հայտնել Է հանրապետության ՆԳ նախարարի խորհրդական Անտոն Գերաշչենկոն, «Գերագույն ռադան պահպանող զինծառայողների վրա մարտական նռնակ Է նետվել: Ազգային գվարդիայի մի քանի զինծառայողներ ծանր վերքեր են ստացել: Նրանց կյանքը վտանգված Է»:
Այդուհանդերձ, խորհրդարանի շենքի մոտ բախումները չեն դադարում, տեղի միլիցիոներների վրա նետվում են ծխագլանիկներ, քարեր, շշեր: Հավաքվածները վանկարկում են՝ «Իմպիչմենտ»:
Ավելի վաղ հաղորդվել Է, որ Ուկրաինայի Սահմանադրության փոփոխությունների ընդունման ավելի քան 3 հազար հակառակորդներ են հավաքվել խորհրդարանի շենքի մոտ:
Մինչդեռ օգոստոսի 31-ին հայտնի Է դարձել, որ Գերագույն ռադան առաջին ընթերցմամբ հավանություն Է տվել Սահմանադրության մեջ ապակենտրոնացման մասով կատարվող փոփոխություններին:
Հետևեք մեզ նաև Telegram-ում