Բաքվում դատում են պաշտպանության նախկին փոխնախարարին

Բաքվի ծանր հանցագործությունների գծով դատարանում սեպտեմբերի 3-ին կայացել է Ադրբեջանի պաշտպանության նախկին փոխնախարար Մեհման Սալիմովի նկատմամբ հարուցված քրեական գործով նախապատրաստական նիստը:

Ինչպես հաղորդում է «Արմենպրես»-ը` վկայակոչելով ադրբեջանական ԶԼՄ-ները, մեղադրյալի փաստաբանը դատարանից խնդրել է լրացուցիչ ժամանակ տալ քրեական գործի նյութերին ավելի մանրամասն ծանոթանալու համար, ինչը բավարարվել է: Դատական գործընթացը հետաձգվել է մինչեւ սեպտեմբերի 10-ը:

Մեհման Սալիմովը մեղադրվում է խոշոր չափերի յուրացումների եւ պաշտոնեական լիազորությունների չարաշահումների մեջ: Նա 1995-1999 թվականներին զբաղեցրել էր Ադրբեջանի պաշտպանության քաղաքական եւ հասարակական հարցերով փոխնախարարի պաշտոնը: