Ռուսաստանը 570 մլրդ դոլար կկորցնի պատժամիջոցներից եւ նավթի գների անկումից. «Վեդոմոստի»
Նմանատիպ
Ֆինանսական պատժամիջոցներից եւ նավթի գների անկումից Ռուսաստանի տնտեսության կորուստները 2014-2017 թվականներին կարող են կազմել շուրջ 570 մլրդ դոլար: Այդ մասին, ինչպես տեղեկացնում Է «Արմենպրես»-ը, հաղորդել Է «Վեդոմոստի»-ն՝ հղում անելով Տնտեսական փորձագիտական խմբից տնտեսագետներ Եվսեյ Գուրվիչին եւ Իլյա Պրիլեպսկուն:
Ֆինանսական պատժամիջոցներից կորուստները կկազմեն մոտավորապես 170 մլրդ դոլար, ածխաջրածինների արտահանումից պակաս ստացված եկամուտները՝ շուրջ 400 մլրդ դոլար: Այս երկու շոկերի ազդեցությունը ոչ թե պարզապես գումարվում Է, դրանք փոխադարձաբար ուժեղանում են, ընդգծել են տնտեսագետները հանդեսի համար պատրաստված «Տնտեսության հարցեր» հոդվածում:
Նշված ժամանակաշրջանում տնտեսության աճի միագումար կորուստները, նրանց հաշվարկների համաձայն, կկազմեն ՀՆԱ-ի 8,4 տոկոսը կամ տարեկան միջինը մինուս 2,1 տոկոսային կետ:
Հետևեք մեզ նաև Telegram-ում