«Հայկական ժամանակ». ԱԺ Բյուջետային գրասենյակն արդեն սկսել է աշխատանքը
06/02/2016 09:42
Նմանատիպ
Ազգային ժողովում արդեն իր աշխատանքն է սկսել Բյուջետային գրասենյակը: Հունվարի 15-ին մրցութային կարգով գրասենյակի ղեկավար է նշանակվել Գագիկ Բարսեղյանը, որը մինչ այս ԱԺ ֆինանսավարկային և բյուջետային հարցերի մշտական հանձնաժողովի փորձագետն էր: Նրանից բացի գրասենյակը պետք է ունենա ևս չորս փորձագետ: Այս մասին գրել է «Հայկական ժամանակ»-ը:
Թերթը հիշեցնում է, որ Բյուջետային գրասենյակը ստեղծելու համար անցած տարի ԱԺ կանոնակարգ օրենքում կատարվեց համապատասխան փոփոխություն: Այդ կառույցի առաքելությունը պետք է լինի ԱԺ խմբակցություններին կամ անհատ պատգամավորներին բյուջեի նախագծին, բյուջետային գործընթացին առնչվող հարցերի վերաբերյալ մասնագիտական աջակցություն և տեղեկատվություն տրամադրելը:
Հետևեք մեզ նաև Telegram-ում