Մարդու իրավունքների չորրորդ պաշտպանը պետք է լինի նախորդ երեքի նման. ՀՀԿ
Նմանատիպ
ՀՀ մարդու իրավունքների չորրորդ պաշտպանը պետք է լինի նախորդ երեքի նման: Այսօր լրագրողների հետ հանդիպմանը նման տեսակետ հայտնեց ԱԺ ՀՀԿ խմբակցության անդամ Արտակ Դավթյանը՝ հավելելով, որ եթե հարցումներ անցկացվեն, ապա քաղաքացիները կնշեն, որ երեքի գործունեությունից էլ գոհ են եղել:
«Ինչ վերաբերում է ընդդիմությանը, սկզբում միշտ էլ սվիններով են ընդունել իշխանության թեկնածուներին, իսկ նրանց ազատումից հետո նույն սվիններով սկսել պաշտպանել»,-նկատեց ՀՀԿ-ական պատգամավորը:
Հակադարձմանը՝ եթե երեք Օմբուդսմենից էլ և իշխանությունը, և ընդդիմությունը, և քաղաքացիները գոհ են, ապա ինչո՞ւ են բոլորը նույն կերպով հեռացել, Արտակ Դավթյանը հորդորեց այդ հարցն ուղղել իրական հասցեատերերին:
Ինչևէ, ՀՀԿ-ի առաջադրած ՄԻՊ թեկնածու Արման Թաթոյանի հաղթանակի համար անհրաժեշտ է 79 ձայն, իշխող մեծամասնությունն այդքան ձայն չունի, Դավթյանը հույս ունի, որ իրենց կհաջողվի լավ «ագիտացիայի» շնորհիվ կուսակցությունից դուրս ձայներ շահել. թեկնածուների հարցը դեռ պետք է պետաիրավական հանձնաժողով մտնի: Իսկ եթե բավարար ձայներ չհավաքվի, ապա կներկայացվեն նոր թեկնածուներ:
Հետևեք մեզ նաև Telegram-ում