Եթե Իրանն ունենա ԼՂ խնդիրը կարգավորելու հնարավորություն, կշարունակի խաղաղ լուծման իր ջանքերը. Ռոհանի
08/08/2016 13:31
Նմանատիպ
Իրանը հավատում է, որ տարածաշրջանում կվերականգնվի խաղաղութունն ու կայունությունը: Այս մասին Բաքվում հայտարարել է Իրանի նախագահ Հասան Ռոհանին՝ ընդգծելով, որ յուրաքանչյուր խնդիր պետք է լուծվի խաղաղ ճանապարհով, հայտնում է ադրբեջանական ԱՊԱ գործակալությունը:
«Տարածաշրջային հակամարտությունները պետք է լուծվեն խաղաղ ճանապարհով: Իրանը՝ որպես Ադրբեջանի և Հայաստանի հարևան, միշտ ջանք է գործադրել այդ խնդրի խաղաղ լուծման համար: Եվ եթե Իրանն ունենա հակամարտությունը կարգավորելու հնարավորություն, նա կշարունակի այդ ուղղությամբ իր բոլոր ջանքերը»,- Բաքվում կայացած երկու երկրների ղեկավարների համատեղ մամուլի ասուլիսի ժամանակ ասել է Հ. Ռոհանին:
Հետևեք մեզ նաև Telegram-ում