Մեդվեդևը և Յըլդըրըմը քննարկել են էներգետիկ խոշոր նախագծերի իրականացման հարցերը
Նմանատիպ
Թուրքիայի վարչապետ Բինալի Յըլդըրըմն ու Ռուսաստանի Դաշնության վարչապետ Դմիտրի Մեդվեդևը հեռախոսազրույց են ունեցել: Այս մասին հայտնում են ՌԴ կառավարության լրատվական ծառայությունից: Հեռախոսազրույցի նախաձեռնողն եղել է թուրքական կողմը:
Յըլդըրըմը նախ շնորհավորել է իր ռուս գործընկերոջը սեպտեմբերի 18-ին Ռուսաստանում անցկացված խորհրդարանական ընտրությունների և դրանց արդյունքի կապակցությամբ:
Այնուհետ նա շեշտել է, որ Թուրքիայի կառավարությունը հետաքրքրված է ռուս-թուրքական հարաբերությունների զարգացմամբ:
Մեդվեդևը և Յըլդըրըմը հեռախոսազրույցի ընթացքում անդրադարձել են առևտրատնտեսական համագործակցությանն առնչվող հարցերին, ինչպես նաև էներգետիկայի ոլորտում համատեղ խոշոր նախագծերի իրականացմանը, այդ թվում՝ «Թուրքական հոսք» գազատարի, «Աքքույու» ԱԷԿ-ի կառուցման:
Կառավարությունների ղեկավարները քննարկել են նաև առջիկա երկկողմ շփումների գրաֆիկը:
Հետևեք մեզ նաև Telegram-ում