Տեսանյութում ցուցադրել են միջուկային պատերազմի հետեւանքները

Life Noggin YouTube-ալիքը ներկայացրել է տեսանյութ, որտեղ բացատրվում է, թե ինչ տեղի կունենա մոլորակի հետ, եթե Հնդկաստանի եւ Պակիստանի միջեւ միջուկային պատերազմ սկսվի, տեղեկացնում է «Արմենպրես»-ը:

Հարյուրավոր ատոմային ռումբերի պայթյունի դեպքում, որոնցից յուրաքանչյուրի հզորությունը համադրելի է Հիրոսիմայի վրա նետված ռումբին, վիթխարի քանակությունների մուր կբարձրանա մթնոլորտ: Հասնելով վերնոլորտ՝ փոշու այդ ամպերը կսկսեն կլանել Արեգակի լույսն ամբողջ Երկրագնդով մեկ: Դրա հետեւանքով Երկրի մակերեւույթի ջերմաստիճանը կնվազի, ինչը կհանգեցնի միջուկային ձմռան: