Կոնգրեսում վստահություն չունեն շահերի բախում թույլ չտալու Թրամփի ունակության հարցում
Նմանատիպ
Մի խումբ դեմոկրատ կոնգրեսականներ նամակ են հղել Ներկայացուցիչների պալատի հսկողության եւ պետական բարափոխման կոմիտեի նախագահ հանրապետական Ջեյսոն Չեֆետսի անունով՝ ԱՄՆ-ի ընտրված նախագահ Դոնալդ Թրամփի գործարար-կայսրության նկատմամբ հետաքննություն անցկացնելու եւ նրա առեւտրային եւ պետական շահերի բախում թույլ չտալու ունակությունն ստուգելու խնդրանքով, տեղեկացնում է «Արմենպրես»-ը:
«Դուք ունեք կոմիտեի կողմից հետաքննության անցկացում նախաձեռնելու լիազորություններ, եւ մենք ձեզ կոչ ենք անում օգտվել դրանցից: Իր հարկային հայտարարագրերը հրապարակելու՝ Թրամփի մերժումն արդեն երկյուղներ է հարուցել (Թրամփի) հաշվետու լինելու եւ թափանցիկ աշխատելու պատրաստակամության պակասի վերաբերյալ: Ուստի կարեւոր է, որ կոմիտեն ուշադրությամբ քննարկի սույն հարցը մինչեւ նրա նախագահական երդում տալը»,- ասված է նամակի տեքստում:
Մայիսին Թրամփի նախընտրական շտաբի հրապարակած տվյալների համաձայն՝ նրա կարողությունը գնահատվում է ավելի քան 10 միլիարդ դոլար, հաղորդել է ՏԱՍՍ-ը:
Հետևեք մեզ նաև Telegram-ում