«Ժամանակ». Արագածոտնի ՀՅԴ-ական մարզպետը դպրոցների տնօրեններին հրահանգել է ձայներ ապահովել
Նմանատիպ
Իշխող Հանրապետական կուսակցության կոալիցիոն գործընկեր Դաշնակցությունը որոշել է առաջիկա ընտրություններում ոչնչով չզիջել ՀՀԿ-ին։ Եթե Հանրապետականը օգտագործում է վարչական ռեսուրս, ապա ինչո՞ւ նույնը չանի նաև ՀՅԴ-ն։
«Ժամանակ»-ը գրել է, որ Արագածոտնի մարզի դաշնակցական մարզպետ Գաբրիել Գյոզալյանը հրահանգել է մարզի բոլոր դպրոցների տնօրեններին Դաշնակցության օգտին քարոզչություն անել ու անհրաժեշտ ձայներ ապահովել՝ անհրաժեշտության դեպքում նաև 9-րդ ձևով։ Ռեյտինգային ընտրակարգով առաջադրված թեկնածուներից կոնկրետ ոչ ոքի վրա էլ մարզպետը կարծես խաղադրույք չի անում՝ խնդիրը կոնկրետ ՀՅԴ-ի համար ձայներ ապահովելն է։ Ռեյտինգայինով այստեղ առաջադրվել են Գյոզալյանի խորհրդականը՝ Սիրամարգ Ղուկասյանը, ինչպես նաև Ծաղկահովտի գյուղապետ անկուսակցական Նորայր Հակոբյանը։ Մյուս ռեյտինգային թեկնածուներն են՝ Սամվել Թովմասյանը, Կարեն Շահազիզյանը, Ռուզաննա Տոնոյանը, Տարոն Տոնոյանը և այլոք։
Հետևեք մեզ նաև Telegram-ում