AM | RU
USD
EUR
RUB

Քարոզարշավի յուրահատկություններից մեկն այն է, որ այն ընթանում է միաժամանակ մի քանի հարթակներում

Մինչ խորհրդարանական ընտրությունների մեկնարկը մնացել են հաշված օրեր: Ընտրարշավին մասնակցող քաղաքական ուժերը գործի են դնում բոլոր հնարավոր միջոցները ժողովրդի համակրանքն ու վստահությունը շահելու համար: Ինչպե՞ս են փորձում առանձնանալ մրցակից քաղաքական կուսակցություններն ու դաշինքները քարոզարշավի ընթացքում, և որքանո՞վ են արդյունավետ համարվում նրանց կողմից գործադրված ջանքերը:

Նախընտրական քարոզարշավի յուրահատկություններից մեկն այն է, որ այն ընթանում է միաժամանակ մի քանի հարթակներում: Բացի ավանդական դարձած միջոցներից, ժողովրդի հետ հանդիպումներ կազմակերպելուց, հեռուստաեթերով և ռադիոյով ելույթ ունենալուց, ուժերն իրենց նախապատվությունը տալիս են համացանցին՝ ի դեմս Facebook սոցիալական ցանցի:

«Փոփոխությունների խորհրդանիշ»

Իշխող կուսակցությունն ի սկզբանե առաջնություն է տվել երիտասարդ դեմքերին, որոնք կազմել են երկրում նոր ձևավորված կառավարությունը: Ֆինանսական մեծ ռեսուրսներ են ծախսվել համացանցում բազմաթիվ քարոզչական հոլովակներ տարածելու նպատակով: Մեծ աղմուկ բարձրացրեց «Ռեինկարնացիա» խմբի «Փոխենք աշխարհը» երգի տեսահոլովակը՝ Կարեն Կարապետյանի մասնակցությամբ, որում ներգրավված էին նաև երիտասարդ սերնդի ներկայացուցիչները: Վարչապետ Կարեն Կարապետյանը ՀՀԿ-ում առանցքային տեղ է գրավում: Վերջինս երկրում կատարվելիք «փոփոխությունների խորհրդանիշ» է դարձել և իրեն հատուկ խարիզմայի, շփման մեջ անմիջականության շնորհիվ բարձրացնում է կուսակցության վերկանիշը: Մյուս կողմից բացասական կերպով իր ազդեցությունը կարող է ունենալ ժողովրդի սերն ու հարգանքը վայելող «հաց բերողի»՝ Արթուր Սարգսյանի մահը, որում հասարակության լայն շրջանակները մեղադրում են իշխանություններին:

Ծառուկյանը՝ իշխող կուսակցության գլխավոր մրցակից

Ընտրությունների արդյունքում երկրորդ ուժ դառնալու ամբիցիաներ է դրսևորում Ծառուկյան դաշինքը: Դաշինքի նմանատիպ վարկանիշը առաջնահերթ պայմանավորված է ժողովրդի շրջանում ձևավորված Գագիկ Ծառուկյանի համբավով: Ժողովրդի «ծոցից» դուրս եկած Ծառուկյանին ընդունում են որպես բարերարի, որն օժանդակում է կարիքի մեջ գտնվող քաղաքացիներին: «Ծառուկյան» դաշինքը լայնորեն օգտագործում է նաև բավարար ֆինանսական միջոցներ՝ քարոզարշավն իրականացնելու համար: Դրա առանցքային մասն են կազմում Ծառուկյանի ելույթները: Դաշինքի շարքերում կան նաև հեղինակություն վայելող ու կշիռ ունեցող մի շարք մարդիկ:

Այլընտրանքային քաղաքական ուժեր

Նոր տեխնոլոգիաներ է փորձում օգտագործել «Ելք» դաշինքը՝ պնդելով, որ երկրում ստեղծված դժվարին իրավիճակից «ելք» կա: Ի տարբերություն մեծ թվով ուժերի, որոնք ակնհայտ ռուսամետ ուղեծրում են, «Ելքը»-ը փորձում է հանդես գալ առավել լիբերալ դիրքերից և ներկայանում է որպես արևմտամետ այլընտրանքային քաղաքական ուժ: Նույն դաշտում է դիրքավորվել նաև «Ազատ դեմոկրատներ» կուսակցությունը, որը իր ծրագրում շեշտը դնում է արտաքին քաղաքականության վրա և երկրի ապագան տեսնում է միմիայն ԵԱՏՄ-ի կազմից դուրս: «Ազատ դեմոկրատները» լայնորեն օգտագործում են նաև գովազդը համացանցում:

Կարևոր շեշտադրումներ, իշխանությունից ընդդիմություն

ՀՅԴ-ն ավանդական գործիքներ է օգտագործում և փորձում է պահպանել իր արդեն իսկ կայուն ընտրազանգվածը: «Հայ ազգային կոնգրես – Հայաստանի ժողովրդական կուսակցություն» բլոկն իր նախընտրական քարոզարշավի հիմնական շեշտադրումը դնում է ղարաբաղյան հակամարտության խաղաղ կարգավորման հարցի վրա՝ զիջումների գնալու ճանապարհով, որն ուղղված է հասարակության փոքր հատվածներին: «Օհանյան-Ռաֆֆի-Օսկանյան» բլոկը մարդկանց մեջ որոշակի թերահավատություն է առաջացնում: Իշխանությունից դեպի ընդդիմություն. Սեյրան Օհանյանն ու Վարդան Օսկանյանը երկար ժամանակ կազմել են իշխող համակարգի մի մասը: Մարդկանց մոտ մի շարք հարցեր են ծագում, ինչպես օրինակ՝ «Այդ ինչպե՞ս իշխանությանը պաշտպանող, պաշտպանության նախարարի պաշտոնից զրկված Սեյրան Օհանյանը գրեթե մեկ տարի հետո անցավ ընդդիմության շարքերը»:

Բաղդասարյանի հեքիաթները և աութսայդեր կոմունիստները

«Հայկական վերածնունդը», ի դեմս Արթուր Բաղդասարյանի, կարող է նվազագույն տեղ զբաղեցնել խորհրդարանում, բայց ոչ ավելին: Կուսակցության կողմից առաջարկվող հեքիաթային փոփոխությունները երկրի տարբեր ոլորտներում վաղ թե ուշ ձանձրացնում են մարդկանց և աստիճանաբար նվազեցնում կուսակցության ընտրազանգվածը:

Դե իսկ խորհրդարան անցնելու ամենաքիչ շանսերն ունի Կոմունիստական կուսակցությունը: Կոմունիստները համարվում են ցակնհայտ աութսայդեր, քանի որ, ինչպես մնացած քաղաքական ուժերը, չեն փորձում օգտագործել մի շարք ռեսուրսներ, որոնցով կներկայանան հանրությանը. չունեն ճանաչված դեմքեր և որևէ այլ միջոց նոր սերնդին գրավելու համար:

Թե ինչպիսին կլինեն ընտրությունների արդյունքները, կերևա ապրիլի 2-ից հետո:

Հիշեցնենք, որ ըստ Կենտրոնական ընտրական հանջնաժողովի՝ ընդհանուր առմամբ առաջադրվել է 1539 պատգամավորության թեկնածու: Փոփոխված Սահմանադրությամբ խորհրդարանը նվազագույնը 101 պատգամավոր է ունենալու, ևս չորս տեղ հատկացվելու է ազգային փոքրամասնություններին, սակայն, կախված այն հանգամանքից, թե ընտրությունները քանի փուլով կընթանան, խորհրդարանի տեղերի քանակը կարող է հասնել 180-ի:

Թամարա ՀԱԿՈԲՅԱՆ

Լրահոս
Արամ Ա-ն և Երուսաղեմի լյութերական եկեղեցու առաջնորդը քննարկել են Երուսաղեմի կարգավիճակի հետ կապված հարցեր Արցախը ողջունում է Ստեփանակերտի հետ բարեկամական հարաբերություններ հաստատելու՝ Հոնոլուլուի քաղաքային խորհրդի մտադրությունը Նյու Յորքում ահաբեկչության փորձի հետևանքով երեք հոգի թեթև մարմնական վնասվածքներ են ստացել ՊՆ-ում Զինված ուժերում մարդու իրավունքների եվրոպական չափանիշների կիրառման ամրապնդման վերաբերյալ քննարկում է անցկացվել Նախագահն ընդունել է Գիտության և համաշխարհային հարցերով Պագուոշյան համաժողովների գլխավոր քարտուղարին Ռաֆայել Իսախանյան. «Հայաստան-Ադրբեջան խաղաղության քաղաքացիական պլատֆորմ»-ը խաբեություն է Դպրոցականների ձմեռային արձակուրդները կմեկնարկեն դեկտեմբերի 25-ից Էյջի Տագուչին Հայաստանի բազմավեկտոր քաղաքականությունը առավելություն է համարում ճապոնական ընկերությունների համար Հանձնարարվել է խստորեն վերահսկել երկարացված ժամկետներով շինթույլտվություններով աշխատանքների համար սահմանված ժամանակացույցերի պահպանումը «Իրավունքները պետք է լինեն պաշտպանված՝ անկախ տարածքի կարգավիճակից». Մարդու իրավունքների միջազգային օրը նշվել է Արցախում ՊԵԿ փոխնախագահը վստահեցնում է` ֆիզիկական անձինք երրորդ երկրներից մեքենա ներկրելիս արգելքի չեն հանդիպի ՀՀ-ԵՄ նոր համաձայնագրից մեկ օրում հրաշքներ սպասելը միամտություն է Հայաստանում ծրագրեր են մշակվում հնագիտական տուրիզմը զարգացնելու ուղղությամբ Գևորգ Կոստանյանն անհրաժեշտություն է համարում ընտանիքում բռնության դեմ պայքարի մասին օրենքի ճիշտ կիրառումը ՀՀ նախագահը դրել է համայնքների առավել արդյունավետ կառավարման խնդիր և տվել հստակ նշաձողը ԱՄՆ-ում ստախոս ԶԼՄ-ները դուրս են եկել վերահսկողությունից. Թրամփ ՀՀ-ում իշխանությունը ձևավորվել է ընտրական տեղամասերում. «Ելք» դաշինքն ընդունում է ՀՀԿ-ի իշխանությունը Մեկնարկել է տարվա լավագույն մարզիկների ընտրության քվեարկությունը ԿԳՆ-ն նախաձեռնել է «Բարձրագույն կրթության մասին» ՀՀ օրենքի նախագծի հանրային քննարկումների շարք Որոշ ապրանքների մաքսատուրքերի բարձրացումը չի ենթադրում, թե դրանք անպայմանորեն կթանկանան Թբիլիսիում մեկնարկել են հայ ժամանակակից երաժշտության օրերը Հայաստանի եւ Ճապոնիայի միջեւ նոր համաձայնագրի ստորագրումը խթան կհանդիսանա երկկողմ ներդրումների ծավալի աճի համար Գինեգործների համար ավելի բարենպաստ պայմաններ կստեղծվեն Հայաստանում առաջիկա 5 օրերին սպասվում է առանց տեղումների, արևային եղանակ Արմեն Ռուստամյանը կարևորում է համայնքի ղեկավարների կողմից չարաշահումների մասին բարձրաձայնելը Նալբանդյանն ընդունել է Ամերիկայի հայկական համագումարի պատվիրակությանը Էրդողանից բարոյականության դասեր չպետք է քաղեմ. Իսրայելի վարչապետ Հայոց ցեղասպանության ժամանակ երեխաների սպանդը հերքող Էրդողանը չի կարող դասեր տալ Իսրայելին Հայաստանը միջազգային գիտական հարթակում նախանձելի հաջողություններ է գրանցում Լևոն Արոնյանի հաջորդ մրցակիցը Մագնուս Կարլսենն է Հենրիխ Մխիթարյանը ուզում է խոսել Մոուրինյոյի հետ իր ապագայի մասին Հայաստանում հաստատված սիրիահայն իր ձեռքի աշխատանքով փորձում է մուտք գործել ռուսական շուկա Աճում է քաղաքացիների և քաղաքացիական հասարակության մասնակցությունն իրավական ակտերի մշակման գործընթացում Ախուրյանի ավտոճանապարհներին խիտ մառախուղ է ՕՐՎԱ ԽՈՐՀՈՒՐԴԸ: Դեկտեմբերի 11 Զորանոց, դղյակներ, մենատներ, մզկիթներ. Պալյան ճարտարապետական գերդաստանը մեծ հետք է թողել Ստամբուլում Հաջորդ տարի կստեղծվեն մարզերի զարգացման հիմնադրամներ. զարգացման ծրագրերը կազմելու են տեղի մասնագետները Անհրաժեշտ է որդեգրել համայնքների զարգացման նորարարական մոտեցումներ Արտաքին քաղաքական դաշտում ՀՀ քայլերը պետք է լինեն համահունչ Արցախի խորհրդարանի և ժողովրդի սպասումներին. Աշոտյան Սպիտակի երկրաշարժի զոհերի հիշատակին նվիրված միջոցառումներ են անցկացվել Մինսկում և Բաթումում
Խմբագրի ընտրություն
website by Sargssyan