Ալիևն արձագանքել է Լևոն Տեր-Պետրոսյանի հայտարարություններին
Նմանատիպ
Ապրիլյան քառօրյա պատերազմի տարելիցի կապակցությամբ մի խումբ զինծառայողների հետ հանդիպման ժամանակ Ադրբեջանի նախագահ Իլհամ Ալիևը հայտարարել է, թե Լեռնային Ղարաբաղում և «գրավյալ» տարածքներում տեղի ունեցած և տեղի ունենալիք գործընթացները Ադրբեջանի ներքին գործն են։ «Ոչ մի միջազգային կազմակերպություն կամ երկիր իրավունք չունի միջամտել մեր ներքին գործերին», -ասել է Ալիևը, գրում է 168.am-ը։
Անդրադառնալով ՀՀ առաջին նախագահ Լևոն Տեր-Պետրոսյանի՝ զիջումներ անելու վերաբերյալ հնչեցրած հայտարարությանը՝ Ալիևն ասել է, թե իրավիճակի առավել «պրագմատիկ» նայող հայերը հրապարակավ ասում են, եթե Ադրբեջանի հետ հարաբերությունները չկարգավորվեն, Հայաստանը ապագա չի ունենա։
«Ես բազմիցս ասել եմ, որ Հայաստանի՝ որպես պետություն, գոյության միակ ճանապարհը հարևանների հետ հարաբերությունների կարգավորումն է։ Դրա համար մի ճանապարհ կա․ հայկական զորքերը պետք է անհապաղ և առանց որևէ նախապայմանների պետք է դուրս բերվեն Ադրբեջանի գրավյալ տարածքներից»,-նշել է Ալիևը։
Հետևեք մեզ նաև Telegram-ում