Պյոտր Պորոշենկոն Դոնալդ Թրամփի հետ կքննարկի անվտանգության ոլորտի համագործակցության հարցեր
Նմանատիպ
ԱՄՆ նախագահ Դոնալդ Թրամփը Ուկրաինայի նախագահ Պյոտր Պորոշենկոյի հետ սեպտեմբերի 21-ի նախատեսվող հանդիպման ժամանակ քննարկելու է Դոնբասի և անվտանգության ոլորտում համագործակցության հարցերը: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այս մասին նշել է Ուկրաինայի արտաքին գործերի նախարար Պավել Կլիմկինը:
«Քննարկվելու են մի շարք հարցեր: Ես չեմ կարող խոսել ԱՄՆ նախագահի անունից, ինչ հարցեր նա կբարձրացնի հանդիպման ընթացքում, սակայն, իհարկե, մենք քննարկելու ենք Դոնբասի շուրջ ստեղծված իրավիճակը, համատեղ մարտավարության և անվտանգության ոլորտում համագործակցության հարցերը», – ասել է Կլիմկինը:
Նա նշել է, որ կքննարկվի նաև ԱՄՆ-ի օգնությունը Ուկրաինայում բարեփոխումների իրականացման հարցը:
Ըստ Կլիմկինի՝ Պորոշենկոն ԱՄՆ-ը այցելության ընթացքում ունի պլանավորած 20 հանդիպումներ:
Հետևեք մեզ նաև Telegram-ում