AM | RU
USD
EUR
RUB

Նախագահ Սարգսյանն ընդունել է ՌԴ առողջապահության նախարարին

Նախագահ Սերժ Սարգսյանը սեպտեմբերի 26-ին ընդունել է Ռուսաստանի Դաշնության առողջապահության նախարար Վերոնիկա Սկվորցովային, ով Հայաստան է ժամանել մասնակցելու Հայ-ռուսական առողջապահական երրորդ համաժողովին:

Ինչպես տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, հանրապետության Նախագահը ողջունել է հյուրին և կարևորել արդեն ավանդական դարձած առողջապահական համաժողովի անցկացումը, որը, Նախագահի համոզմամբ, շատ լավ հարթակ է երկու երկրների պետական ու մասնավոր առողջապահական կազմակերպությունների միջև փոխգործակցության զարգացման, ոլորտի արդիական հարցերի շուրջ մասնագիտական քննարկումների և փորձի փոխանակման համար:

«Առողջապահության ոլորտի մարտահրավերները ժամանակակից աշխարհում ամենասուր մարտահրավերներից են և դուրս են առանձին պետությունների առողջապահական համակարգերի սահմաններից: Այդ բարդ խնդիրներն առնչվում են սոցիալ-տնտեսական կյանքի գրեթե բոլոր ոլորտներին: Այդ իսկ պատճառով նման մասնագիտական քննարկումները և փորձի փոխանակումը կարող են միայն օգտակար լինել»,- ասել է Նախագահ Սարգսյանը:

Հանրապետության Նախագահը ասվածի համատեքստում կարևորել է Հայ-ռուսական առողջապահական երրորդ համաժողովի օրակարգում ներառված հարցերը, այդ թվում՝ առողջապահության ոլորտի բարեփոխումների, ԵԱՏՄ շրջանակներում ոլորտի ինտեգրացիոն գործընթացների հետ կապված: Սերժ Սարգսյանը հաջողություն է մաղթել համաժողովի աշխատանքներին:

ՌԴ առողջապահության նախարարը շնորհակալություն է հայտնել Երևանում առողջապահական համաժողովի հրաշալի կազմակերպման համար և ընդգծել, որ ձևավորված արդյունավետ համագործակցությունը թույլ է տալիս արդեն իսկ արձանագրել համատեղ աշխատանքի որոշակի արդյունքներ, որոնց անդրադարձ կկատարվի հերթական՝ երրորդ համաժողովի ժամանակ:

Վերոնիկա Սկվորցովան իր տպավորություններն է ներկայացրել ՀՀ ԱՆ Ռ. Յոլյանի անվան արդիականացված արյունաբանական կենտրոն այցելությունից: Նա գոհունակությամբ է նշել, որ ՀՀ առաջին տիկնոջ մեծ ջանքերի և նախաձեռնության շնորհիվ ստեղծված նոր բաժանմունքի և լաբորատորիայի հիմնման, կադրերի պատրաստման ու նորագույն տեխնոլոգիաների ներդրման գործում իրենց մասնակցությունն են ունեցել նաև ռուսաստանյան առաջատար առողջապահական կենտրոնները:

ՌԴ առողջապահության նախարարը սերտ համագործակցությամբ առանձնացող ընթացիկ տարին խորհրդանշական է համարել, քանի որ Հայաստանը և Ռուսաստանը այս տարի նշում են դիվանագիտական հարաբերությունների հաստատման 25-րդ և Բարեկամության, համագործակցության և փոխադարձ օգնության պայմանագրի 20-րդ հոբելյանները:

Հանդիպմանը նախարար Սկվորցովան Հանրապետության Նախագահին ներկայացրել է ՌԴ առողջապահական համակարգի զարգացման առաջնահերթ ուղղություններն ու ծրագրերը, խոսել նաև Հայաստանի հետ համագործակցության նոր ուղղությունների, փորձի փոխանակման հնարավորությունների մասին, որոնց շուրջ հայ գործընկերոջ հետ երևանյան համաժողովի շրջանակներում որոշակի պայմանավորվածություններ են ձեռք բերվել:

 

Լրահոս
Մխիթարյանը հանդիպում է ունեցել Մոուրինյուի հետ Հայաստանը հատուկ կարևորություն է տալիս վիզաների ազատականացման գործընթացի մեկնարկին. Նալբանդյան «Լույս հայի աչքերին» ծրագրի շնորհիվ ՀՀ մարզերի շուրջ 8.000 բնակիչ ակնաբուժական անվճար ծառայություն է ստացել «Լավագույն ուսուցիչ» մրցույթի հաղթողները պարգևատրվել են Ակնկալում ենք մեր հույն գործընկերների հետագա աջակցությունը ՀՀ-ԵՄ համագործակցությանը «Հրապարակ». «Երկուսն էլ խեղդվող չեն». Կարեն Ավագյանը՝ Փաշինյանի ու Գեղամյանի մասին «Փաստ». 2018թ.-ին Վիգեն Սարգսյանը կդառնա արտգործնախարար, Էդվարդ Նալբանդյանը՝ ՀՀ նախագահ «Հայկական ժամանակ». Էդմոն Մարուքյան. Միասնական կուսակցություն ստեղծելու մասին հարցը կքննարկենք «Հրապարակ». Սպորտի նախարարը համատեղության կարգով նաև թարգմանիչ է «Իրավունք». Արթուր Բաղդասարյանն ինքն է իր՝ ՍԴ նախագահ դառնալու մասին լուրերի պատվիրատուն «Ժողովուրդ». Արտախորհրդարանական ուժերը դատապարտված են անգործության «Ժամանակ». «Խորհրդարանը Մալաթիայի յարմըրկան չի». Բաբլոյան «Ժամանակ». Հերմինե Նաղդալյանը պարտավորություններ ունի ՕՐՎԱ ԽՈՐՀՈՒՐԴԸ: Դեկտեմբերի 13 Իգնատի Առաքելյանն անդրադարձել է Հայաստան ներմուծված ԳՄՕ սերմերի հետ կապված խոսակցություններին Եվրամիության հետ նոր համաձայնագիրը նորանոր հեռանկարներ է բացում Հայաստանի առջեւ. Ֆրանսիայի դեսպան Կանադացի պատգամավորը դատապարտել է Արցախի նկատմամբ ադրբեջանական կողմի գործողությունները Իրանում 7-8 բալ ուժգնությամբ երկրաշարժ է տեղի ունեցել. Հայաստանում այն չի զգացվել Կարեն Կարապետյանն այցելել է ՀՀ պաշտպանության նախարարություն Վիճաբանություն Թուրքիայի մեջլիսում. պատգամավորը նախարարին «ուրացող» է անվանել Երևանում բերման է ենթարկվել 35-ամյա ԱՄՆ քաղաքացին Պաղեստինում գրանցված բախումները հեռու են հայկական թաղամասերից Կովկասյան գորշ ցեղատեսակի բուծմամբ կլուծվի նաեւ պարենային ապահովության հարցը Հայտնի են նոր խորհրդարանի ամենաակտիվ և ամենաշատ բացակայող պատգամավորները ՀՀ Նախագահը հրաժեշտի հանդիպում է ունեցել դիվանագիտական առաքելությունն ավարտող Ռումինիայի դեսպանի հետ ՊՆ-ն հայտարարում է տեղեկատվական և հաղորդակցական տեխնոլոգիաների ոլորտներում մասնագիտացված զորակոչիկների մրցույթ Ժամկետային զինծառայող Նարեկ Ադիբեկյանին սպանելու կասկածանքով ձերբակալվել է ծառայակիցը ԼՂ հակամարտությունը ռազմական լուծում ունենալ չի կարող. Ֆրանսիայի դեսպան Հայաստան-Եվրամիություն համաձայնագրի ստորագրումը կարեւոր ազդակ է օտարերկրացի ներդրողների համար Հայաստանում առաջիկա 5 օրերին սպասվում է առանց տեղումների եղանակ ՀՀ կառավարությունն ակնկալում է ՀՆԱ-արտաքին պարտքի հարաբերակցության 55.4 տոկոս ցուցանիշ Հայաստանում սնունդը բարելավելու եւ թերսնուցումը նվազեցնելու ուղղությամբ դպրոցներին կից ջերմատներ կկառուցվեն Մեքսիկան բալանսավորված դիրքորոշում ունի ԼՂ խնդրում. ՀՀ դեսպանի հարցազրույցը «Էլ Ունիվերսալ»-ին Թուրքիայի օդուժը հարվածներ է հասցրել հյուսիսային Իրաքում ՀՀ սահմանին զինծառայողն ականապայթյունային վնասվածք է ստացել. վիճակը կայուն ծանր է ԱԺ-ում մեկնարկել է կառավարության հրավիրած արտահերթ նիստը. ՈՒՂԻՂ Նախագահը հրամանագիր է ստորագրել ՀՀ ԶՈՒ պահեստազորի առաջին խմբի բժշկական կազմի սպաների զորակոչի և զորացրման մասին Արցախում համածառայակցի կողմից արձակված կրակոցից զինծառայող է մահացել «Հրապարակ». Գողականները գալիս են Հայաստան «Ժամանակ». Արթուր Բաղդասարյանը ապրիլի 9-ից հետո կնշանակվի ՍԴ նախագահ
Խմբագրի ընտրություն
website by Sargssyan