AM | RU
USD
EUR
RUB

Հայ-լեհական գործարար համաժողովի ընթացքում հայ գործարաներին ներկայացվեց Լեհաստանի տնտեսական ներուժը

 
 

Հայ-լեհական գործարար համաժողովի ընթացքում մի շարք ընկերություններ հնարավորություն ստացան պայմանավորվածություններ ձեռք բերել հետագա համագործակցության նպատակով։

Հայ-լեհական գործարար համաժողովի ժամանակ լրագրողների հետ զրույցում այս մասին ասաց Լեհաստանի Հանրապետությունում Հայաստանի Հանրապետության արտակարգ և լիազոր դեսպան Էդգար Ղազարյանը։

«Հայ-լեհական համագործակցությունը մշտապես եղել է բարձր մակարդակի վրա և՛ քաղաքական, և՛ տնտեսական ոլորտներում։ Մենք ոչ միշտ ենք լիարժեք օգտագործում մեր կարողություններն ու հնարավորությունները»,- նշեց Ղազարյանը և հավելեց, որ համաժողովի նպատակն է հայ գործարարներին առավել մեծ չափով ներկայացնել Լեհաստանի հնարավորությունները, տնտեսական ներուժը։

Հայաստանի և Լեհաստանի հանրապետությունների առևտրաարդյունաբերական պալատների միջև գործում է փոխգործակցության համաձայնագիր։ Լեհական ընկերությունները տեղական շուկային համագործակցություն են առաջարկում մրգերի և բանջարեղենների չորացման համար նախատեսված սարքավորումների, քիմիական հումքի, կենցաղային քիմիայի, կոսմետիկայի, կաթնամթերքի մթերման արդյունավետության բարձրացման համար նորարարական տեխնոլոգիաների և ճարտարապետության ու շինարարության ոլորտներում։

Դեսպանի խոսքով՝ հայ արտադրողին առաջնահերթ լեհական շուկայում պետք է հետաքրքրեն ալկոհոլային խմիչքները, քանի որ Լեհաստանում այդ շուկան բավականին ձևավորված և զարգացող է։

«Մեր գինիները մեծ հեռանկար կարող են ունենալ, գյուղատնտեսական վերամշակվող արտադրանքը կարող է գրավիչ լինել, ինչպես նաև արդյունաբերական որոշ առումներով կարող է լեհական շուկան հետաքրքիր լինել։ Առհասարակ, լեհական տնտեսությունը շատ բարձր տեմպերով է զարգանում, ԵՄ-ում էլ այդ երկրի դիրքը բավականին հաջող է, ունեն ամենաբարձր տնտեսական աճի ցուցանիշները։ Սա բիզնեսի ցանկացած ուղղության համար շատ բարենպաստ է։ Գնահատելով Հայաստանի արտահանման ունակությունները՝ հիմնականում գյուղատնտեսական վերամշակվող արտադրանքի ու ալկոհոլային խմիչքների ոլորտներն են առավել նպաստավոր»,- ընդգծեց Էդգար Ղազարյանը։

Հայկական արտադրանքի ճանաչելիության ուղղությամբ տարվող աշխատանքների վերաբերյալ նա նշեց, որ եղել են դեպքեր, երբ ՀՀ տնտեսական զարգացման և ներդրումների նախարարության աջակցությամբ արտադրողները և տուրիստական ոլորտի ընկերությունները հնարավորություն են ունեցել մասնակցել Լեհաստանում կազմակերպվող ցուցահանդեսներին։

«Շատերն ուղղակի երկկողմ առևտրատնտեսական կապեր հաստատելու միջոցով են հանդիպում լեհ գործարարների հետ և փորձում կապեր հաստատել»,- ասաց Լեհաստանի Հանրապետությունում Հայաստանի Հանրապետության արտակարգ և լիազոր դեսպանը։ 

Դեկտեմբեր ամսին Վարշավայում կայանալու է հայ-լեհական միջկառավարական հանձնաժողովի հերթական նիստ, որի շրջանակում հնարավոր կլինի, որպեսզի երկու երկրների գործարարները քննարկեն միմյանց հետ առևտրատնտեսական համագործակցության հարցերը։

Համաձայն ՀՀ վիճակագրական ծառայության տվյալների՝ 2016 թվականին երկու երկրների միջև ապրանքաշրջանառությունը կազմել է 53,94 մլն դոլար, որից Հայաստանից արտահանումը՝ 18,8 մլն, իսկ ներմուծումը՝ 36,1 մլն դոլար։ Ապրանքաշրջանառության աճը նախորդ տարվա համեմատ կազմել է 13 տոկոս։

Լրահոս
Արա Բաբլոյանն և Դունյա Միյատովիչը քննարկել են հասարակության խոցելի խմբերի իրավունքների պաշտպանությանը վերաբերող հարցեր Նիկոլ Փաշինյանն ընդունել է Եվրոպայի խորհրդի մարդու իրավունքների հանձնակատար Դունյա Միյատովիչին ԵԽ հանձնակատարը մարդու իրավունքների ոլորտում բարձր է գնահատել Հայաստանի քաղհասարակության դերը Զինծառայողի սպանության դեպքի առթիվ հարուցվել է քրեական գործ Էրդողանը հանդես է եկել Թուրքիայի ներքին հաշվարկներում օտարերկրյա արժույթից հրաժարվելու օգտին Քննարկվել է պաշտպանության բնագավառում հայ-ճապոնական հարաբերությունների զարգացման հնարավորությունը ԱԺ Քննիչ հանձնաժողովը հնարավոր է քննարկի նաև «Ռոբերտ Քոչարյանի գործի» դատավարական գործողությունների դատախազական պատշաճ հսկողության հարցը Հակառակորդի կրակոցից պայմանագրային զինծառայող է զոհվել Դանիական Danske Bank-ի նախագահը հրաժարական է տվել ադրբեջանական և ռուսական ծագման գումարների լվացման պատճառով Կիմ Չեն Ընը խոստացել է պատմության մեջ առաջին անգամ այցելել Սեուլ ԱԾ և ՀՔԾ պետերի հեռախոսազրույցի գաղտնալսման գործը քննելու համար հրավիրվելու են միջազգային կառույցների մասնագետներ Սևանի բժշկական կենտրոնում կտեղադրվի համակարգչային շերտագրման սարք Ադրբեջանական ԶԼՄ-ները «հայկական կողմից» սպանված զինծառայողի վերաբերյալ մանրամասներ են հրապարակել ԵԱՀԿ / ԺՀՄԻԳ համաժողովում Ադրբեջանը սուր քննադատության է ենթարկվել Հոկտեմբերին «Ուրալյան ավիաուղիները» կսկսեն իրականացնել Անապա-Երևան ուղիղ չվերթը ՀՀ նախագահը ստորագրել է Ազգային ժողովի կողմից ընդունված մի շարք օրենքներ «Ժամանակ». Մասիսի քաղաքապետը վերադարձել է աշխատանքի «Հրապարակ». Ծառուկյան Սարգսյան հանդիպումը կայացել է «աչքից հեռու»՝ Ծաղկաձորում «Փաստ». Հասարակական կազմակերպությունները անհանգստություններ ունեն «Հրապարակ». ԱԺ քննիչ հանձնաժողովի 11 անդամից 5-ը ներկայացրել է ՀՀԿ-ն ՕՐՎԱ ԽՈՐՀՈՒՐԴԸ: Սեպտեմբերի 19 ՀՀ ԱԳ նախարար Զոհրաբ Մնացականյանին հավատարմագրերի պատճենն է հանձնել Կոնգոյի Հանրապետության դեսպան Դավիդ Մադուկան Թուրքիայում ձերբակալվել է «Իսլամական պետության» պարագլուխներից մեկը ԱՀ նախագահն ու ՀՀ վարչապետն այցելել են Արցախի հյուսիսային սահմանագիծ Պուտինը Միջերկրական ծովի վրա Իլ-20-ի կործանվելը համարում է ողբերգական հանգամանքների շղթա Ռուսաստանն անպատասխան չի թողնի Իսրայելի գործողությունները. Շոյգու Եվրահանձնաժողովը ներկայացրել է ԱՀԿ-ի բարեփոխման պլանը Արարատ Զուրաբյանը կարևորում է պետական կառավարման և տեղական ինքնակառավարման մարմինների հստակ տարաբաժանումը Ֆուտբոլի Հայաստանի գավաթի խաղարկությունում տեղի են ունեցել փոփոխություններ Հայաստանը և Չինաստանը ստորագրել են օդային հաղորդակցությունների մասին համաձայնագիր «Հայք» կուսակցությունը ցանկանում է Երևանը դարձնել արժեքների վերստեղծման կենտրոն «Լույս» դաշինքն իր ծրագրում նախատեսում է աղբը որպես երկրորդային հումք օգտագործել ԲՀԿ-ն Երևանի առաջնահերթ խնդիրները կլուծի քաղաքի բյուջեն եռապատկելով ՀՀ ՊՆ 4-րդ զորամիավորումում անցկացվում է գումարտակային մարտավարական զորավարժություն Արփինե Հովհաննիսյանը ԵԽԽՎ հանձնաժողովում բարձրաձայնել է Ադրբեջանի կողմից Հայաստանի սահմանամերձ համայնքների գնդակոծման մասին Ռուսական Իլ-20-ը խոցվել է Սիրիայի ՀՕՊ-ի կողմից Անկախության օրվան նվիրված միջոցառումների ընթացքում մայրաքաղաքի մի շարք փողոցներ փակ են լինելու Փհենյանում մեկնարկել են ԿԺԴՀ-ի եւ Հարավային Կորեայի ղեկավարների բանակցությունները Երևանի գլխավոր ճարտարապետն ազատվել է աշխատանքից «Ժողովուրդ». ԵԱՀԿ–ն սկսել է սահմանին տիրող իրավիճակի հետ կապված քննարկում իրականացնել
Խմբագրի ընտրություն
website by Sargssyan