Հայաստանի քաղաքացիները կկարողանան հանրաքվե պահանջել
Նմանատիպ
Կառավարությունը հավանություն տվեց «Հանրաքվեի մասին» օրենքում փոփոխություններ կատարելու նախագծին, որով հաստատվում է հանրության նախաձեռնությամբ հանրաքվե կազմակերպելու կարգը: ՀՀ արդարադատության նախարար Դավիթ Հարությունյանը նշեց, որ սահմանադրական օրենքների ինստիտուտը, որպես պետական կառուցվածքի համար համակարգաստեղծ, մտցվել է 2015 թվականի դեկտեմբերին կայացած սահմանադրական բարեփոխումներով:
«Բարեփոխումները հասարակական պահանջով հանրաքվե անցկացնելու հնարավորություն սահմանեցին: Օրենքը հաստատում է այն կազմակերպելու կարգը և հարցերի շրջանակը, որոնք հանրաքվեի դրվելու ենթակա չեն՝ պաշտպանություն ու պետական անվտանգություն, համաներում, պետական բյուջե, հարկեր, երկրի վարչատարածքային բաժանում, կառավարության աշխատակազմ, սահմանադրական օրենքներ»,- ասաց նախարարը:
Հանրաքվե կարող է նախաձեռնել 50 մարդուց կազմված խումբը, որը պետք է գրանցվի Կենտրոնական ընտրական հանձնաժողովում և սկսի 200 հազար ստորագրությունների հավաքումը: Դրանից հետո ԿԸՀ-ն պետք է ստուգի դրանց կեղծված չլինելը:
Հետևեք մեզ նաև Telegram-ում