AM | RU
USD
EUR
RUB

Հայրենիքում բոլորս գնահատված ենք. Հելեն Ազարյանը սիրիահայ կանանց խորհուրդ է տալիս հայացքը չուղղել այլ երկրներ

 
 

Հայաստանում հաստատված սիրիահայ կանայք չպետք է նորից հայացքն ուղղեն այլ երկրներ: Նրանք կարող են աջակցություն զգալ և հաջողության հասնել հայրենիքում: Այս հորդորն է նրանց հղում Հայաստանի ազգային պոլիտեխնիկական համալսարանից մինչ Քուվեյթի կլինիկա հասած, սեփական բժշկական կենտրոնը հիմնած և հայրենիքում հաջողության հասած քուվեյթահայ գործարար Հելեն Ազարյանը, ով «Կանանց մտերմիկ զրույց» խորագրով հանդիպմանը հաջողակ պատմությամբ կիսվեց և իր փորձառությունը փոխանցեց սիրիահայ կանանց: «Արմենպրես»-ը ներկայացնում է հաջողակ կնոջ պատմությունը:

Պոլիտեխնիկական համալսարանի ապագա բժիշկը

Սովորել եմ Հայաստանի ազգային պոլիտեխտնիկական համալսարանում, սակայն հայացքս միշտ եղել է դեպի բժշկություն: Ավարտելուց հետո այդ ոլորտում ինձ համար ամենամատչելին «Հայբուսակ» համալսարանն էր: Ընդունվեցի այնտեղ, ավարտեցի՝ ստանալով կոսմետոլոգ-բժիշկ մասնագիտությունը: 1993-ին ամուսնացա, և ամուսնուս հետ մեկնեցինք Քուվեյթ:

Քուվեյթցիներին հերթում պահող հայը

Քուվեյթում, որտեղ ես աշխատում էի, ինձ սենյակ էին հատկացրել նկուղային հարկում, իսկ նույն շենքի 3-րդ հարկում աշխատում էր Քուվեյթի ամենաճանաչված դերմատոլոգը: Մի անգամ նա մոտեցել է շենքի պատասխանատուին և ասել, որ քուվեյթցիները հերթ կանգնել չեն սիրում: Հետաքրքրվել, թե ով է ներքևում աշխատողը, ում համար այդքան հերթ են կանգնում: Պատասխանատուն ասել է՝ Հայաստանից եկած հայ է:

«Ոսկե» մատներով կինը

Այցելուների հոսքն ավելանում էր: Մի անգամ լրագրող մոտեցավ ինձ և խնդրեց հարցազրույց անցկացնել: Սակայն, քանի որ շատ զբաղված էի, խնդրեցի, որ իմ աշխատանքի վերաբերյալ հարցերն ուղղի դռան մոտ սպասող այցելուներիս: Հանդիպել էր այն կնոջն, ում ես ծանր վիճակից դուրս էին բերել: Նա ինձ ներկայացրել էր հետևյալ կերպ՝ «ոսկե» մատներով կին: Արտահայտությունը տարածվել էր Քուվեյթում:

Վերադարձ հայրենիք

Երբ աշխատեցի Քուվեյթում, հասկացա՝ որպես դերմատոլոգ-վեներոլոգ վերապատրաստվելու կարիք ունեմ: Հետ վերադառնալով հայրենիք՝ շարունակեցի ուսումս: Սակայն իմ բնավորության համաձայն՝ ես պետք է զբաղվեի մի քանի գործով: Սովորելուս տարիներին առաջացավ միտքը՝ ստեղծել «Հելիոս» բժշկական կենտրոնը, որում ինձ շատ օգնեց ամուսինս: «Հելիոս»-ը Հելենի լատիներեն տարբերակն է:

Առողջությունը և գեղեցկությունը պետք է քայլեն զուգահեռ

Քուվեյթում «Հելիոս»-ը ճանաչում և վստահում են որպես հայերի կենտրոն: Այն արդեն 23-րդ տարին էր, ինչ հիմնել էի Քուվեյթում, երբ միջազգային ստանդարտներին համապատասխան ծառայություններ մատուցող կենտրոն ստեղծեցի նաև Երևանում: Հայաստանում «Հելիոս»-ի առաջին մասնաշենքը հիմնադրվեց 2007-ին, 2010-ին՝ երկրորդը, 2016-ին՝ երրորդը: Սկզբում ստեղծվեց լաբորատորիան, որը զբաղվում է էսթետիկ բժշկությամբ և դերմատոլոգիայով, հետո մեզ միացան գինեկոլոգ, նևրոպաթոլոգ, աղիների և այլ նեղ մասնագետներ, որոնք անհրաժեշտ են արտաքին տեսքը առողջ և գեղեցիկ պահելու համար: Ես միշտ հավատացել եմ՝ չի կարող լինել առողջ մաշկ, առանց առողջ օրգանիզմի՝ առողջությունը և գեղեցկությունը պետք է քայլեն զուգահեռ: Հետո ստեղծվեց ոտնաթաթերի խնդիրներով զբաղվող կենտրոնը, այնուհետև՝ ստերիլիզացիոն համակարգով գործող եղունգների խնամքի կենտրոնը: Մատուցվող բոլոր ծառայությունները համապատասխանում են միջազգային ստանդարտներին:

Արևելքի հայ կանայք

Կենտրոնը հիմնելուց հետո հստակ հասկացել եմ, թե ինչ եմ ուզում, այն ինձ ինքնավստահություն է տվել: Ուզում եմ՝ իմ շրջապատի բոլոր կանայք լինեն այդպիսին: Սիրիահայ կանայք չպետք է դրսում փնտրեն այն, ինչ Հայաստանում իսկապես կարող են գտնել: Արևելքի կանայք անցել են դառը և դժվար ճանապարհ: Այս հավաքը նրանց ինչ-որ կերպ սփոփելու հնարավորություն է, ցույց տալու, որ նրանք միայնակ չեն: Կլինի սիրիահայ, պարսկահայ կամ մեկ այլ տեղից եկած հայ, հայրենիքում բոլորս գնահատված ենք:

Արդեն 18 տարի Հայաստանում ապրող սիրիահայ Ալին Սարյանի կարծիքով՝ նման հաջողակ պատմությունն իսկապես ոգեշնչող է իր և մյուս սիրիահայ կանանց համար: «Եթե մեկը հաջողության է հասել, ինքդ քեզ հարցնում ես՝ ինչու ոչ ես, ես նույնպես կարող եմ: Հելենը երազեց և հասավ դրան իր աշխատասիրության և հավատքի շնորհիվ: Ես, Հելենը և շատ այլ սիրիահայեր, ովքեր մեր սեփական կամքով և սիրով ենք եկել Հայաստան, ուզում ենք մեր որոշումը ամրապնդվի հաջողությամբ»,-ասաց սիրիահայ կինը:

Հանդիպմանը ներկա ՀՀ սփյուռքի նախարարության ներկայացուցիչ Շուշանիկ Գասպարյանը ևս հույս հայտնեց, որ հաջողակ կինն իր պատմությամբ կոգեշնչի այլ սփյուռքահայերի՝ գործունեություն ծավալել հայրենիքում, քանի որ Հայաստանը ողջ հայության սիրտն է:

Լրահոս
Փակվելու վտանգի առջև կանգնած դպրոցներին կփոխարինեն կրթամշակութային կենտրոնները, որտեղ կհաճախեն նաև մեծահասակներ ՄԻՊ աշխատակազմը կզբաղվի աղբահանության վերաբերյալ դժգոհությունների հարցով ԵԱՀԿ-ն պատրաստ է օժանդակել ՀՀ կառավարության հակակոռուպցիոն բարեփոխումներին Բելառուսի կողմից «Պոլոնեզներ»-ի վաճառքն Ադրբեջանին անընդունելի է. Նիկոլ Փաշինյան Ձերբակալվել են «Վարդենիսի նյարդահոգեբանական տուն- ինտերնատ» ՊՈԱԿ-ի տնօրենը և պահեստապետը Եղվարդում կասեցվել է նավթավերամշակման գործարանի շինարարությունը ՀՀ ԱԳՆ ներկայացուցիչը Թբիլիսիում Հաջիևին խորհուրդ է տվել կաշառքի վրա միլիոններ վատնելու փոխարեն իրապես ժողովրդավարական երկիր կառուցել Մարտի 1-ի գործով Ռոբերտ Քոչարյանի հարցաքննությունը նախատեսվում է հուլիսի 26- ին. ՀՔԾ պետ ՀՅԴ-ն զորակցություն է հայտնել Հայաստանյայց առաքելական սուրբ եկեղեցուն Մի կաթիլ մեղր չդառնա հարցը. Արմեն Աշոտյան Գեորգի Ավետիսյանը խոստանում է հնարավոր բոլոր միջոցներով աջակցել փոքր ու միջին բիզնեսին Կիևյան կամրջից քաղաքացու ինքնասպանության փորձը կանխվել է ՄԱԿ-ը պատրաստակամ է աջակցելու Հայաստանի հետագա զարգացմանը. Գուտերեշ ԿԳՆ-ն փորձելու է հասնել նրան, որ դպրոցներն աշխատեն մեկ հերթով և ընդունեն միայն իրենց տարածքի աշակերտներին Թեղուտում ազգային պարկը հսկող կամավորները ծեծի են ենթարկվել Բացահայտվել են առանձնապես խոշոր չափերի թմրամիջոցների ապօրինի շրջանառության դեպքեր. մեղադրանք է առաջադրվել 6 անձի Կառավարությունը երկու մարզիկի տրամադրեց զորակոչից տարկետում Հասարակությունը, որն ուզում է վերադառնալ 10-ամյա կրթությանը, պետք է ունենա նոր նախարար, ես կողմ եմ 12-ամյա կրթությանը ՊԵԿ նախագահը պատրաստ է անգամ կոշտ ձևերով հասկացնել, որ ՓՄՁ-ներին հարկային վարչարարությամբ չպետք է ծանրաբեռնել Հայաստանում օդի ջերմաստիճանը կբարձրանա ԱԱԾ պետը խոստանում է նոր աղմկոտ բացահայտումներ ապօրինի հարստացման դեպքերով Եթե ձեզ թվում է, որ մենք պետք է բերենք մաքուր, հրեշտակի թեւերով անձանց, չի լինում նման բան. Դավիթ Անանյան Ինչո՞ւ են դիրքեր գնացող զինվորները փող հավաքում. մեկնաբանում է Արցախի նախագահի խորհրդականը Ա. Հովհաննիսյանը Դ. Իոաննիսյանին մտավոր հետամնաց է անվանել. Հովհաննիսյանն արձագանքել է Կառավարությունը զինվորական զորակոչից տարկետում տվեց մի քանի տասնյակ ուսանողների Բնակչության շրջանում կիրականացվեն անվտանգ և արդյունավետ կանխարգելիչ պատվաստումներ. Արսեն Թորոսյան 2017-ի ընթացքում պետական մարմիններում հայտնաբերվել են գրեթե 5 մլրդ դրամի խախտումներ Չեմ թաքցնի՝ ՀՖՖ նախագահի պաշտոնը ստանձնելու ցանկություն ունեմ. ԱԱԾ տնօրեն Տարոն Մարգարյանը դեռ չի հրավիրվել ԱԱԾ, բայց կհրավիրվի. Արթուր Վանեցյան Վարչապետը հանձնարարեց պարզել չիրագործված վարկային ծրագրերի թիվը, որոնց ուղղությամբ Հայաստանը շարունակում է վճարումներ կատարել Նիկոլ Փաշինյանը Փանիկի միջադեպը համարում է սադրանք ընդդեմ հայ-ռուսական բարեկամական հարաբերությունների Արայիկ Հարությունյանը կոչ է անում ուսումնական հաստատությունների ղեկավարներին զերծ մնալ կոնկրետ բանկերում հաշիվներ բացելու ուղղորդումներից Հայաստանը վճռական է ի կատար ածելու հնարավորինս հավակնոտ բարեփոխումներ Կառավարության նիստը` ուղիղ. օրակարգում ընդգրկված է 22 հարց ՄԹ Լորդերի պալատը հավանություն տվեց Հայաստան-Եվրամիություն համապարփակ և ընդլայնված գործընկերության համաձայնագրին Ցանկացած կառուցողական շփում, որ կողմերը նախաձեռնում են, պետք է ծառայի հակամարտության կարգավորմանը. Զախարովա Իշխանությունն ունի բավարար կամք՝ ներառական կրթության ոլորտում առկա խնդիրներին լուծում տալու. Արայիկ Հարությունյան Այնպես չէ, որ գումար չկա, ճանապարհը կանգնած է. նախարարը՝ «Հյուսիս-հարավի» ֆինանսավորում չունեցող հատվածների մասին Վարչապետը միջազգային փորձագետների հետ քննարկել է արդարադատության ոլորտում բարեփոխումների իրականացմանն ուղղված հարցեր Փանիկ գյուղում զորավարժություններն անցկացվել են անգնդակ փամփուշտներով. Արծրուն Հովհաննիսյան
Խմբագրի ընտրություն
website by Sargssyan